ரசிகர்கள் மீட்டிங் வெச்சா நீங்க விஜய் ஆகிட முடியுமா.. சிவகார்த்திகேயனை கேள்வி கேட்ட பிரபலம்..

அடுத்த இளைய தளபதி சிவகார்த்திகேயனா என்கிற கேள்வி திருப்பூர் சுப்ரமணியன் கொடுத்துள்ள கடுமையான பதில் பரபரப்பை ஏற்படுத்தியுள்ளது.

ரசிகர்கள் சந்திப்பு வைத்தால் மட்டும் நீங்கள் அடுத்த விஜய் ஆகிவிட முடியாது என்று திருப்பூர் சுப்ரமணியன் தெரிவித்துள்ளார்.

சிவகார்த்திகேயன்

 நடிகர் விஜய் நடிப்பதை கைவிட்டு அரசியலில் களமிறங்க இருக்கிறார். இப்படியான நிலையில் அடுத்த இளைய தளபதி யார் என்கிற விவாதம் தமிழ் சினிமாவில் தொடங்கியுள்ளது. விஜய்யின் இடத்தை நடிகர் சிவகார்த்திகேயன் பிடிப்பார் என்று பெரும்பாலானவர்கள் கருத்து தெரிவித்து வருகிறார்கள். சமீபத்தில் நடிகர் சிவகார்த்திகேயன் சென்னை போரூரில் தனது ரசிகர்கள் மற்றும் நற்பணி மன்ற உறுப்பினர்களை சந்தித்தார். விஜயைப் போலவே தனது செயல் திட்டங்களை சிவகார்த்திகேயன் செய்து வருவதாக ரசிகர்கள் கூறுகிறார்கள். ஒருபக்கம் ரசிகர்களின் கருத்து இப்படி இருக்க, அடுத்த விஜய் யார் என்கிற கேள்விக்கு தென் இந்திய திரையரங்க உரிமையாளர்கள் சங்கத் தலைவர் திருப்பூர் சுப்ரமணியன் நேரெதிரான ஒரு கருத்தை தெரிவித்து ரசிகர்களிடம் பரபரப்பை ஏற்படுத்தியுள்ளார்.

தனுஷ் , சிம்பு , சிவகார்த்திகேயன் எல்லாம் ஒன்னு தான்

அடுத்த இளைய தளபதி ஆவதற்கு தமிழ் சினிமாவில் எந்த  நடிகருக்கு அதிக வாய்ப்பு இருக்கிறது என்று சமீபத்தில் திருப்பூர் சுப்ரமணியனிடம் கேள்வி எழுப்பப் பட்டது. இதற்கு பதிலளித்த அவர் “சிவகார்த்திகேயன் , தனுஷ் , சிம்பு, சூர்யா, விக்ரம்  இவர்கள் எல்லாரும் இந்த பட்டியலில் இருக்கிறார்கள். விஜய்யின் இடத்தைப் பிடிப்பதற்கு இந்த எல்லா நடிகருக்கு சம அளவிலான வாய்ப்புகள் இருக்கின்றன. ” 

ரசிகர்களை சந்தித்தால் விஜய் ஆகிவிட முடியாது

Suriya, Sivakarthikeyan, Dhanush, Simbu , Karthi, Vikram all are in same leveel. No One is special. 🤝

Its not easy/possible to reach Thalapathy’s position. You need to earn it by giving good films.💥

- Thiruppur Subramaniam.

pic.twitter.com/PnF9SkWj5K

— Christopher Kanagaraj (@Chrissuccess) March 25, 2024

”சிவகார்த்திகேயன் ரசிகர்கள் சந்திப்பு நடத்தினார் என்றால் அதனால் மட்டும் அவர் விஜய் இடத்தைப் பிடித்து விட முடியாது. சிம்பு கூடத்தான் ரசிகர்கள் சந்திப்பு நடத்தினார். சூர்யா தொடர்ச்சியாக மாணவர்களை சந்தித்து வருகிறார். அடுத்து தனுஷ் கூட ரசிகர்கள் சந்திப்பு ஒன்றை நடத்த இருக்கிறார். ரசிகர் சந்திப்பு நடத்தினால் எல்லாம் நீங்கள் விஜய் ஆகிவிட முடியாது. விஜய்யின் இடத்தை நீங்கள் பிடிக்க வேண்டும் என்றால் நல்ல படங்களைக் கொடுக்க வேண்டும். சிவகார்த்திகேயன் விஜய் இடத்தைப் பிடிக்க அடுத்தடுத்து நல்ல படங்களை கொடுக்க வேண்டும். நீங்கள் ரஜினி இடத்தைப் பிடிக்க வேண்டும் என்றாலும் நல்ல படங்களை கொடுத்தால் ரஜினி, கமல் யாருடைய இடத்திற்கு வேண்டுமானால் வரலாம்” என்று திருப்பூர் சுப்ரமணியன் கூறினார்