தவெக மாநாடு
விஜயின் தமிழக வெற்றிக்கழகத்தின் முதல் மாநாடு ஒரு மாபெரும் திருவிழாவைப்போல் தொடங்கியுள்ளது. தமிழ்நாடு முழுவதில் இருந்தும் 8 லட்சத்திற்கும் மேலான தொண்டர்கள் இந்த மாநாட்டில் கலந்துகொண்டிருக்கிறார்கள். மாலை 3 மணிக்கு கலை நிகழ்ச்சிகளுடன் தொடங்கியது மாநாடு. பின் விஜய் மேடைக்கு வந்து ரேம்ப் வழியாக நடந்து சென்று ரசிகர்களை சந்தித்தார். தமிழ்த்தாய் வாழ்த்து பாடல் பாடி முடித்தப்பின் கட்சித் தொண்டர்கள் உறுதிமொழி ஏற்றனர். அடுத்தபடியாக தவெக வின் கொள்கைப்பாடல் வெளியானது.
அறிவு பாடிய தவெக கொள்கைப்பாடல்
ஏற்கனவே கட்சிப்பாடல் வெளியாகியிருந்த நிலையில் தற்போது கட்சியின் கொள்கைப்பாடலும் வெளியாகியுள்ளது, வெற்றி வெற்றி எனத் தொடங்கும் இந்த பாடலை திரைப்பட ராப் பாடகர் அறிவு பாடியுள்ளார். அறிவின் தனித்துவமான ராப் ஜானரில் விஜயின் அரசியல் கொள்கைகளை வெளிப்படுத்தும் பாடல்வரிகள் என இந்த பாடல் ரசிகர்களை கவர்ந்தது. பாடல் முடிந்ததும் ரசிகர்கல் ஒன்ஸ் மோர் சொல்லி இந்த பாடலை திருப்பி கேட்டனர்.
இந்த பாடலில் நடிகர் விஜய் தனது கட்சியின் கொள்கைகளையும் தெரிவித்துள்ளார். Secular Social Justice அதாவது மதச்சார்பற்ற சமூக நீதி அரசியலை முன்னெடுக்க இருப்பதாக விஜய் தெரிவித்துள்ளார்.