2021-ல் மாரி செல்வராஜ் இயக்கத்தில் வெளியான கர்ணன் திரைப்படம், சைமா 2022 விருது விழாவில் சிறந்த இசை, சிறந்த பாடகி, சிறந்த துனை நடிகை என மூன்று விருதினை தட்டி சென்றுள்ளது.
இப்படத்தில் நடிகர் தனுஷ், லால், யோகி பாபு, நடராஜன் சுப்பிரமணியம் மற்றும் ரஜிஷா விஜயன் ஆகியோர் நடித்தனர். இசை அரக்கன் சந்தோஷ் நாராயணன் வழக்கம் போல் வெறித்தனமான மியூசிக்கை இசையமைத்து படத்திற்கு பக்க பலமாக இருந்தார். ஹீரோயினாக நடித்த ரஜிஷா விஜயனுக்கு இதுதான் முதல் படம். அறிமுகமான படத்திலேயே நன்றாக நடித்திருப்பார் ரஜிஷா.
2022 ஆம் ஆண்டிற்கான SIIMA விருதுகள் வழங்கும் விழா பெங்களூரில் நடைபெற்றது. (10-09-2022) மற்றும் (11-09-2022) ஆகிய இரு நாட்கள் நடைபெற்ற இந்த விழாவில் கே.ஜி.எஃப் நடிகர் யஷ், பாலிவுட் நடிகர் ரன்வீர் சிங், நடிகர் கமல்ஹாசன், அல்லு அர்ஜூன், லோகேஷ் கனகராஜ், ஆர்யா, சிவா, பிரியங்கா மோகன் உள்ளிட்ட பல பிரபலங்கள் கலந்து கொண்டனர்.
கர்ணன் திரைப்பட குழு வென்ற விருதுகள் :
சிறந்த இசையமைப்பாளர் : சந்தோஷ் நாராயணன்
சிறந்த பாடகி - தீ ( உட்ராதீங்க எப்போ )
சிறந்த துணை நடிகை - லக்ஷ்மி ப்ரியா சந்திரமெளலி
சிறந்த இசையமைப்பாளருக்கான விருதை சந்தோஷ நாராயணன் வென்றார். சிறந்த துணை நடிகைக்கான விருதை லக்ஷ்மி ப்ரியா சந்திரமெளலி வென்றார். சிறந்த பின்ணனி பாடகிக்கான விருதினை தீ வென்றார். அவர் சார்பாக அந்த விருதினை சந்தோஷ் நாராயணன் பெற்றுக்கொண்டார். மொத்தம் கர்ணன் திரைப்படம், 3 சைமா (2022) விருதிகளை பெற்றது என்பது குறிப்பிடத்தக்கது.
மேலும் படிக்க : SIIMA Awards Winners: தட்டித்தூக்கிய தமிழ் சினிமா.. சைமா மேடையை அலறவிட்ட தமிழ் பிரபலங்கள்.. யார் யாருக்கு விருது?