உலக நாயகன் கமல் ஹாசனின் மகள் ஸ்ருதி ஹாசன். பாடகியான இவர் ஏ.ஆர். முருகதாஸ் இயக்கத்தில் ஏழாம் அறிவு படம் மூலம் திரையுலகில் அறிமுகமானார். தமிழ் மட்டுமின்றி தெலுங்கு, ஹிந்தி உள்ளிட்ட மொழி படங்களிலும் அவர் நடித்துள்ளார்.
ஸ்ருதிஹாசன் லண்டனைச் சேர்ந்த மைக்கெல் கார்சல் என்பவரை காதலித்து வந்தார். ஆனால் அவர்களது காதல் கடந்த 2019ஆம் ஆண்டு முடிவுக்கு வந்தது. சிறிதுகாலம் தனிமையில் இருந்த ஸ்ருதி ஹாசன் தற்போது டெல்லியை சேர்ந்த டூடுல் கலைஞரான சாந்தனு ஹசாரிகா என்பவரை காதலித்து வருகிறார்.
இந்தநிலையில், தெற்கு மும்பையில் கலைக் கண்காட்சியை நடத்திய சாந்தனு, ஸ்ருதி ஹாசனுடனான தனது லைவ் இன் ரிலேஷன்ஷிப் பற்றியும், விரையில் திருமணம் நடக்க உள்ளதா என்பதும் குறித்தும் முதல் முறையாக மனம் திறந்து பேசியுள்ளார்.
அதில், அவர்களது பிணைப்பே படைப்பாற்றல் ஒன்று என்றும், இருவரும் ஒருவரையொருவர் ஊக்கப்படுத்துவதாகவும் கூறியுள்ளார். மேலும், இருவரும் ஒருவரையொருவர் டேட்டிங் செய்ததில் இருந்து ஒரு நிமிடம் கூட சலிப்படையவில்லை, ஏனெனில் அவர்களின் பேச்சு அனைத்தும் படைப்பாற்றல் மற்றும் விஷயங்கள் தொடர்பாகவே இருப்பதால் இது தங்களுக்கு மிகவும் விருப்பமான ஒன்று என்றும் குறிப்பிட்டுள்ளார்.
தொடர்ந்து, தானும் ஸ்ருதியும் ஒரு அறையில் பூட்டி வைத்து மணிக்கணக்கில் ஒன்றாகச் செலவழிக்க முடியும் என்றும், ஒருவரையொருவர் எரிச்சலடையச் செய்ய முடியாது என்றும் மாறாக காதல் இன்னும் அதிகமாக மலரும் என்றும் சாந்தனு கூறினார்.
ஸ்ருதிஹாசன் தற்போது பிரபாஸ் நடிப்பில் உருவாகி மாபெரும் வெற்றிபெற்ற கேஜிஎஃப் புகழ் பிரசாந்த் நீல் இயக்கத்தில் உருவாகி வரும் ‘சலார்’ படத்தின் நாயகியாக நடித்து வருகிறார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்