தென்னிந்திய சினிமாவில் முன்னணி நடிகையாக ரஜினி முதல் தனுஷ் வரை அனைத்து முன்னணி ஹீரோக்களுடன் ஜோடியாக நடித்து பிரபலமானவர். 2018-ஆம் ஆண்டு ரஷ்யாவை சேர்ந்த ஆண்ட்ரூ கோச்சீவ் என்பவரை திருமணம் செய்துகொண்டார். இந்த தம்பதியினருக்கு 2021-ஆம் ஆண்டு பெண் குழந்தை ஒன்று பிறந்தது. திருமணத்திற்கு பிறகு பட வாய்ப்புகள் குறைந்தும் வருவதைப் பார்க்க முடிகிறது.
சோஷியல் மீடியாவில் என்றுமே ஆக்டிவாக இருக்கும் ஸ்ரேயா கணவர் குழந்தையுடன் எடுத்துக்கொண்ட புகைப்படங்கள் மற்றும் வீடியோக்களை பகிர்ந்து வருகிறார். அதில் ஏராளமான போர்ட்ஃபோலியோ புகைப்படங்களும் அடங்கும். இதை பார்த்த அவரின் ரசிகர்கள் பலரும் எப்படி ஸ்ரேயா அன்று பார்த்தது போலவே இன்றும் இவ்வளவு ஸ்லிம்மாக அழகாக இருக்கிறார் என வியக்கிறார்கள்.
ஸ்லிம்மாக இருக்கும் காரணம் :
சமீபத்தில் நடிகை ஸ்ரேயா நேர்காணல் ஒன்றில் கலந்து கொண்டார். அதில் பெரும்பாலான நடிகைகளை போல இல்லாமல் திருமணமாகி குழந்தை பெற்ற பிறகும் நீங்கள் எப்படி இவ்வளவு ஸ்லிம்மாக இருக்கிறீர்கள். பல நடிகைகள் திருமணத்திற்கு பிறகு ஷேப்லஸாக இருக்கும் போது நீங்கள் எப்படி உங்களை பராமரித்து கொள்கிறீர்கள் எனக் கேட்ட தொகுப்பாளரை விளாசித் தள்ளிவிட்டார் ஸ்ரேயா.
இந்த கேள்வியை முதலில் நீங்கள் போய் தெலுங்கு திரையுலகில் இருக்கும் அனைத்து ஹீரோயின்களிடமும் கேளுங்கள். தொகுப்பாளர், நான் உங்களை பாராட்டினேன் என சொல்ல, அதைப் பொருட்படுத்தாமல் ஸ்ரேயா மிகவும் கோபமாக பேச துவங்கிவிட்டார்.
வயதும், அழகும்..
ஒரு குழந்தைக்கு தாயான பிறகும் நீங்கள் அழகாக இருக்கிறீர்கள் என கூறுவதை நான் பாராட்டாக எடுத்துக்கொள்ள முடியாது. திருமணமாகி, குழந்தை பெற்றதற்கும் நான் அழகாக இருப்பதற்கும் என்ன சம்பந்தம் உள்ளது. நான் எத்தனை ஆண்டுகளாக சினிமாவில் இருக்கிறேன்? என்னுடைய வயது என்னவாக இருந்தால் என்ன? திருமணமான நடிகர்களை இதுபோல நீங்கள் கேட்பதில்லேயே ஏன்? என கடுப்பாக பேசியிருந்தார் நடிகை ஸ்ரேயா.
அந்த வகையில் தற்போது சோஷியல் மீடியாவில் தான் கர்ப்பமாக இருக்கும்போது இருந்த புகைப்படத்தையும் தற்போது எடுத்த புகைப்படத்தையும் பகிர்ந்துள்ளார்.