தமிழ் சினிமாவில் நாயகி ஒருவர் சூப்பர் ஸ்டார் பட்டம் பெற்றார் என்றால் அது ‘நயன்தாராதான்’. அந்த அளவுக்கு தென்னிந்திய ரசிகர்கள் மத்தியில் வரவேற்பை பெற்றவர் நயன்தாரா. நயன்தாரா நடிப்பில் விரைவில் வெளியாகவுள்ள திரைப்படம் ‘காத்துவாக்குல ரெண்டு காதல்’. இந்த திரைப்படத்தில் நயன்தாராவுடன் விஜய் சேதுபதி , சம்ந்தா உள்ளிட்ட நடிகர்கள் நடித்து வருகின்றனர். படத்தை விக்னேஷ் சிவன் தயாரித்து இயக்குகிறார். அவர் நயன்தாராவின் காதலர் என்பது நாம் அறிந்ததே. நயன்தாரா சமீப காலமாகவே பெண்களுக்கு முக்கியத்துவம் தரும் கதாபாத்திரங்களில் நடித்து வருகிறார்.அப்படித்தான் யுவராஜ் தயாளன் இயக்கத்தில் உருவாகும் புதிய படத்தில் நயன் நடிக்க ஒப்பந்தமாகியிருப்பதாக செய்திகள் வெளியானது. ஆனால் அந்த படத்தில் இருந்து தற்போது நயன்தாரா தற்போது விலகிவிட்டாராம். அதற்கு காரணம் அவரின் பாலிவுட் எண்ட்ரி என கூறப்படுகிறது.
அட்லீ இயக்கத்தில் ஷாருக்கான் நடிப்பில் உருவாகி வரும் திரைப்படத்தில் நயன்தாரா கதாநாயகியாக ஒப்பந்தமாகியுள்ளார். அந்த படத்தின் படப்பிடிப்புகள் தாமதமானதால் , யுவராஜ் படத்திற்காக ஒதுக்கிய தேதிகளையும் அட்லீ படத்திற்கு கொடுக்க வேண்டிய நிலைக்கு தள்ளப்பட்டுவிட்டாராம் நயன்தாரா. அதனால் படத்திலிருந்து பின்வாங்கியதாக தெரிகிறது. யுவராஜ் வடிவேலுவை வைத்து எலி, தெனாலி உள்ளிட்ட படங்களை இயக்கியுள்ளார். இந்நிலையில் படத்திற்கு போல்டாக நடிக்கும் நடிகை தேவைப்படும் என்பதால் , அதற்கு ஏற்ற மாதிரியாக ஷ்ரத்தா ஸ்ரீநாத் இருப்பார் என அவரை தயாரிப்பாளர் தரப்பு ஒப்பந்தம் செய்ததாக கூறப்படுகிறது. ஷ்ரத்தா ஸ்ரீநாத் , மாதவன் படமான விக்ரம் வேதாவில் நடித்து பிரபலமானவர். அவருக்கும் ஏராளமான ரசிகர் பட்டாளம் உள்ளது குறிப்பிடத்தக்கது. நயன்தாராவிற்கு பிடித்துதான் யுவராஜ் படத்திற்கு க்ரீன் சிக்னல் கொடுத்தாராம், ஆனால் சூழல் அவரை படத்திலிருந்து விலகும்படியாக்கிவிட்டது. இந்தநிலையில் நயன்தாராவிற்கு மாற்றாக ஷ்ரத்தா ஸ்ரீநாத் களமிறங்கயிருப்பது படத்தின் மீதான எதிர்பார்ப்பை அதிகரித்துள்ளது.
அடுத்ததாக பிரேமம் பட இயக்குநர் அல்போன்ஸ் புத்திரனும் பிரித்திவிராஜும் இணையும் கோல்ட் படத்தில் நயன்தாரா இணையவுள்ளதாக கூறப்படுகிறது. தமிழ் சினிமாவில் 15 ஆண்டுகளுக்கு மேலாக முன்னணி நடிகையாக இருப்பவர் நடிகை நயன்தாரா. ரஜினி, அஜித், விஜய், சூர்யா உள்ளிட்ட முன்னணி நடிகர்களுக்கு ஜோடியாக நடித்துள்ள இவர், பெண்களுக்கு முக்கியத்துவம் கொடுக்கும் கதாபாத்திரத்தில் நடித்து லேடி சூப்பர் ஸ்டார் என்ற பட்டத்தையும் பெற்றார். தமிழ் மட்டுமல்லாமல், தெலுங்கு, மலையாள படங்களிலும் நடித்து தென்னிந்திய ரசிகர்களை தன்பக்கம் இழுத்து கட்டிப்போட்டுள்ளார். இவரும் இயக்குநர் விக்னேஷ் சிவனும் காதலித்து வருகின்றனர். இவர்களுக்கு நிச்சயதார்த்தம் நடந்துவிட்டதாக ஒரு நிகழ்ச்சிஒன்றில் நயன் தாராவே தெரிவித்திருந்தார். கொரோனா சூழல் சரியானவுடன் திருமண வேலைகள் தொடங்கும் என தெரிவித்திருந்தார் விக்னேஷ் சிவன். விரைவில் இவர்களின் திருமண அறிவிப்பை எதிர்பார்க்கலாம்.