இரண்டாம் உலகம்
செல்வராகவன் தனுஷை வைத்து இயக்கிய மயக்கம் என்ன படம் ரசிகர்களிடம் மிகப்பெரிய தாக்கத்தை ஏற்படுத்தியது. சினிமாவில் ஏதோ ஒரு லட்சியத்திற்காக ஓடிக் கொண்டிருக்கும் ஒவ்வொருவருக்கும் இந்தப் படம் ஒரு ஆறுதலைப் போல் அமைந்தது. இதனைத் தொடர்ந்து ஆர்யா நடிப்பில் உருவானத் திரைப்படம் இரண்டாம் உலகம்.
மயக்கம் என்ன படம் கொடுத்த அதே எதிர்பார்ப்பில் படத்திற்கு சென்ற ரசிகர்கள் கொஞ்சம் குழப்பமாகதான் வெளியே வந்தார்கள். எல்லா செல்வராகவன் படத்திற்கு நடந்தது போல்தான் இந்தப் படத்திற்கும் நடந்தது வழக்கம் போல் தங்களுக்கு படம் பிடித்ததா? பிடிக்கவில்லையா? என்று ரசிகர்களுக்குத் தெரியவில்லை. இரண்டாம் உலகம் திரைப்படம் வெளியாகி இன்றுடன் 10 ஆண்டுகள் கடந்துள்ளன.
நான் மட்டும் பொறுப்பில்லை
இரண்டாம் உலகம் படத்தின் தோல்வி குறித்து இயக்குநர் செல்வராகவன் இப்படி கூறியுள்ளார் " ஹாலிவுட் படங்களை எடுத்துக் கொண்டால் இந்திய இயக்குனர்கள் செய்வதில் 10 சதவிகிதம் மட்டுமே அவர்கள் செய்வார்கள். அவரவர்களின் பொறுப்புகளை அவர்களே செய்வார்கள். இரண்டாம் உலகம் படத்தின் தோல்விக்கு நாங்கள் தான் காரணம் அதை நான் ஏற்று கொள்கிறேன். ஆனால் நான் மட்டுமே காரணம் கிடையாது. சொதப்பியவர்கள் அனைவரும் ஒன்றாக சேர்ந்து அதை எப்படி சரி செய்ய வேண்டும் என்பதை பற்றி யோசிக்கலாம். ஆனால் அதற்கு யாரும் முன்வரவில்லை" என்றார் இயக்குனர் செல்வராகவன்.