ஜீ தமிழ் தொலைக்காட்சியில் திங்கள் முதல் வெள்ளி வரை தினமும் இரவு 8.30 மணிக்கு ஒளிபரப்பாகி வரும் பிரபலமான சீரியல் சீதா ராமன். இந்த சீரியலின் நேற்றைய எபிசோடில் சீதா சேதுவிடம் சென்று எல்லாரையும் கோயிலுக்கு அழைத்து வரச் சொன்ன நிலையில், இன்று நடக்கப்போவது என்ன என்பது குறித்து பார்க்கலாம்.
சேது சம்மதம் தெரிவித்து எல்லாரையும் கோயிலுக்கு கூப்பிட, மகாவும் அர்ச்சனாவும் “இப்போ எதுக்கு அந்த கோயிலுக்கு போகணும்னு சொல்றீங்க” என்று கேள்வி மேல் கேள்வி கேட்க, சேது “நீங்க வரலைனா நான் சீதாவோட போறேன்” என்று சொல்ல, மகா “அவங்க கூட போக வேண்டாம்” என்று சொல்ல, எல்லாரும் ஒன்றாக கோயிலுக்கு செல்கின்றனர்.
ஏற்கெனவே கோயிலுக்கு வந்த மூன்று பெண்களும் சாமியார் வேடத்தில் இருப்பது துரை தான் என்று தெரியாமல் அங்கு வந்து வேண்ட, “அவர் என்னமோ தப்பு பண்ணிட்டு வந்திருக்கீங்க, என்னனு சொல்லுங்க” எனக் கேட்க, இவர்களுக்குள் இன்னும் பயம் அதிகமாகிறது.
கோயிலுக்கு வந்த மற்ற குடும்பத்தினர் சாமி கும்பிட்டு விட்டு சுற்றி வரும் போது மூன்று பெண்களும் அங்கிருப்பதைப் பார்த்து விடுகின்றனர். “துரை என்ன தப்பு பண்ணீங்க, சொல்லுங்க” என்று மிரட்டிக் கேட்க, “நாங்க வீட்டுக்குத் தெரியாமல் பீர் குடிச்சிட்டு வந்து வீட்டில் பொய் சொல்லிட்டோம்” என்று உண்மையை சொல்ல அதை கேட்டு மகா உட்பட எல்லாரும் அதிர்ச்சி அடைகின்றனர்.
இப்படியான நிலையில் இன்றைய சீதாராமன் எபிசோட் நிறைவடைகிறது.