கேட்டரிங் சர்வீஸ் மூலம் பிரபலமான மாதம்பட்டி தங்கராஜ் சீனுராமசாமி இயக்கத்தில் நடிக்க இருக்கிறார்.
அடிப்படையில் சமையல் கலைஞரான மாதம்பட்டி தங்கராஜ் பல விஐபிக்களின் வீடுகளில் கேட்டரிங் செய்து, அது தொடர்பான வீடியோக்களை இன்ஸ்டாகிராமில் பதிவிட்டு அதன் மூலம் பிரபலமானார்.
சமையலில் இருந்து சினிமா பக்கம் வந்த அவர் ‘மெஹந்தி சர்க்கஸ்’ படத்தில் நடித்ததின் மூலம் ஹீரோவாக அறிமுகமானார். இவர் தற்போது ‘தென்மேற்கு பருவகாற்று’ ‘நீர்பறவை’ ‘தர்மதுரை’ உள்ளிட்ட பல படங்களை இயக்கிய பிரபல திரைப்பட இயக்குனர் திரு.சீனு ராமசாமியின் இயக்கத்தில் நடிக்க இருக்கிறார்.
முன்னதாக கேசினோ எனும் திரைப்படத்தில் நடித்துள்ள மாதம்பட்டி ரங்கராஜ், தற்போது நடிகர் யோகிபாபுவுடன் இணைந்து பெயரிடப்படாத மற்றுமொரு திரைப்படத்திலும் நடித்திருக்கும் நிலையில், தற்போது இயக்குனர் சீனு ராமசாமி இயக்கத்தில் நடிக்க கமிட் ஆகியிருக்கிறார்.
இயக்குநர் சீனு ராமசாமி இயக்கத்தில், விஜய் சேதுபதி நடித்த ‘மாமனிதன்’ திரைப்படம் திரையரங்கில் பெரிதாக வரவேற்பை பெறவில்லை என்றாலும், ஆஹா ஓடிடி தளத்தில் வெளியாகி மக்களிடம் படம் நல்ல வரவேற்பை பெற்றது. பல்வேறு விருது விழாக்களில் கலந்து கொண்டு விருதுகளையும் வென்றது.
சீனுராமசாமி உடன் மாதம்பட்டி ரங்கராஜ் இணையும் திரைப்படம் ஒரு காதல் கதையாக உருவாக இருக்கிறது. இந்த படத்தின் படப்பிடிப்பு பாண்டிச்சேரி, சென்னை மற்றும் வடகிழக்கு மாநிலங்களில் நடைபெறவிருக்கிறது. வரும் டிசம்பரில் தொடங்கும் இந்த திரைப்படத்தின் படப்பிடிப்பு உள்ளிட்ட இதர விபரங்கள் விரைவில் வெளியாகவிருக்கின்றன. இப்படத்தின் இதர தொழில்நுட்ப கலைஞர்கள், நடிகர், நடிகையர் தொடர்பான தேர்வுகள் நடைபெற்று வரு நிலையில், அவை குறித்த இதர அறிவிப்புகள் விரைவில் வெளியாகும் என தெரிவிக்கப்பட்டுள்ளது.