நாகசைதன்யாவுடனான விவாகரத்து மிகவும் கடினமாக இருந்தது என்று நடிகை சமந்தா பேசியுள்ளார்
பிரபல இயக்குநர் கரண் ஜோஹரின் ‘காஃபி வித் கரண்’(Koffee with Karan) மிகவும் பிரபலமானது. சினிமா பிரபலங்களின் பர்சனல் பக்கங்கள் தொடர்பான ரகசியங்களை வெளியே கொண்டு வரும் இந்த நிகழ்ச்சியின் 7 சீசன் தற்போது தொடங்கியுள்ளது. இதன் லேட்டஸ்ட் எபிசோடில் கலந்து கொண்ட சமந்தா நாக சைதன்யா உடனான விவாகரத்து(Samantha Naga Chaitanya Divorce) குறித்து பேசியிருக்கிறார்.
நாகசைதன்யாவுடனான விவாகரத்து குறித்து பேசிய சமந்தா(Samantha), “ இது மிகவும் கடினமாக இருந்தது. ஆனால் இப்போது நன்றாக இருக்கிறது. சகஜ நிலைக்கு வந்துவிட்டது. எப்போதும் இல்லாத அளவு வலிமையானவளாக இருக்கிறேன்.
நிகழ்ச்சியை தொகுத்து வழங்கிய கரண், நாக சைதன்யாவிற்கும், உங்களுக்கும் இடையே ஏதாவது கசப்பான உணர்வுகள் இருந்ததா..? என்று கேட்டார்.
அதற்கு பதிலளித்த சமந்தா, “ அந்த கடினமான உணர்வுகள் எப்படியானது என்றால், இருவரையும் ஒரே அறையில் அடைத்து வைத்து கூர்மையான பொருட்களை மறைத்து வைத்திருப்பது போன்றதானது. ஆம்.. அது இப்போதும் இருக்கிறது. ஆனால் இப்போது இணக்கமான சூழ்நிலை இல்லை.. இப்போது இல்லை.. ஆனால் எதிர்காலத்தில் சில சமயங்களில் இணக்கம் வரலாம்.” என்று பேசினார்.
முன்னதாக வெளியான இந்நிகழ்ச்சியின் ப்ரோமோவில் பலரது மகிழ்ச்சியற்ற திருமண வாழ்வுக்கும் கரண்தான் காரணம் என சமந்தா கூறியிருந்தார். அப்போது பேசிய சமந்தா, “நீங்கள் வாழ்க்கையை உங்கள் `கபி குஷி கபி கம்’ படத்தைப் போல இருப்பதாகக் காட்டியிருக்கிறீர்கள்.. ஆனால் உண்மையில் வாழ்க்கை `கேஜிஎஃப்’ போல இருக்கிறது” என ஜாலியாக கரணை சமந்தா சாடியிருந்தார்.