யுவனின் அடுத்த மேஜிக் வெர்ஷனாக வெளிவந்திருக்கிறது 'ரம்பம்பம் ஆரம்பம் பம்பம்பம் பேரின்பம்' பாடலின் ரீமிக்ஸ்
இசையமைப்பாளர் யுவன் ஷங்கர் ராஜா இசைக்கு இங்கு மிகப்பெரிய ரசிகர்கள் பட்டாளமே இருக்கிறது. அம்மாவின் இறப்பால் தவறான வழிக்கு சென்றவர், முதல் மனைவியை விவாகரத்து செய்து, இஸ்லாம் மதத்தை தழுவி ஷாஃப்ரூன் நிஷாவை திருமணம் செய்து கொண்டார்.
தற்போது ஃபுல் ஃபார்மில் இருக்கும் யுவன் ஆல்பம், இசைநிகழ்ச்சிகள், பேட்டிகள், படங்கள் என படுபிஸியாக இயங்கி வருகிறார். அந்த வகையில் அவர் தற்போது தனது அப்பாவானா இளையராஜா இசையமைத்து கமல் நடிப்பில் வெளியான மைக்கேல் மதன காமராஜன் படத்தில் இடம்பெற்ற ‘ரம்பம்பம் ஆரம்பம் பம்பம்பம் பேரின்பம்’ ரிமீக்ஸ் செய்து வெளியிட்டு இருக்கிறார். இந்தப்பாடல் பிரபல இயக்குநர் சுந்தர் சி இயக்கி வரும் காஃபி வித் காதல் படத்தில் இடம் பெற்றுள்ளது. இந்தப்படத்தில் நடிகர்கள் ஜீவா, ஜெய், டிடி, யோகிபாபு உள்ளிட்ட பல நடிகர்கள் நடித்துள்ளனர்.
இந்தப் பாடலின் மேக்கிங் வீடியோ தற்போது வெளியாகி இருக்கிறது. முன்னதாக இதே படத்தில் இருந்து 'கை வச்சாலும் வைக்காம போனாலும் மல்லி வாசம்' பாடலை சந்தானம் நடிப்பில் வெளியான டிக்கிலோனா படத்திற்கு ரிமீக்ஸ் செய்து யுவன் வெளியிட்டு இருந்தார். மிகப்பெரிய வரவேற்பை பெற்ற இந்தப்பாடல் யூடியூப்பில் 100 மில்லியன் பார்வையாளர்களை கடந்திருப்பது குறிப்பிடத்தக்கது.