Rashmika Mandanna : விஜய் தேவரகொண்டாவுடன் டேட்டிங் சென்றதாக பரவிய தகவலுக்கு நடிகை ராஷ்மிகா மந்தான ட்விட்டரில் பதிலளித்துள்ளார். இந்த ட்வீட் தற்போது இணையத்தில் வைரலாகி வருகிறது.
இன்றைய தென்னிந்திய சினிமாவில் மிகவும் பிரபலமான நடிகைகளில் ஒருவர் ராஷ்மிகா மந்தனா. தனக்கென ஏராளமான ரசிகர் பட்டாளத்தை கொண்ட இந்த இளம் நடிகை நடிகை ராஷ்மிகா. கன்னடம், தெலுங்கு ஆகிய மொழிகளில் தற்போது பிஸியாக நடித்து வருகிறார்.
சமீபத்தில் இளைய தளபதி விஜய் ஜோடியாக வாரிசு திரைப்படத்தில் நடித்தார். இதற்கு முன்னர் சுல்தான் திரைப்படத்தில் மூலம் நடிகர் கார்த்தியுடனும், புஷ்பா படத்தின் மூலம் அல்லு அர்ஜுனுடனும் ஜோடி சேர்ந்துள்ளார். முன்னணி நடிகர்களுடன் இணைந்து நடித்து வரும் ராஷ்மிகா தற்போது பாலிவுட்டிலும் பிஸியாகி வருகிறார் என்பது குறிப்பிடத்தக்கது.
இந்நிலையில், கடந்த 5ஆம் தேதி ராஷ்மிகா தனது 27வது பிறந்தநாளை கொண்டாடினார். தனது பிறந்தநாளை முன்னிட்டு வாழ்த்து தெரிவித்து ரசிகர்களுக்கு மனதை நெருடும் அளவில் நன்றி சொல்லி வீடியோ வெளியிட்டு உள்ளார். அதில் ராஷ்மிகா மந்தனா கையில் மோதிரம் ஒன்றை அணிந்திருந்தார். அந்த மோதிரம் பற்றி பரவலான கருத்துக்கள் சோஷியில் மீடியாவில் பேசப்பட்டு வந்தது.
குறிப்பாக, பிரபல ஊடகம் ஒன்றில் ராஷ்மிகா மந்தனாவும் விஜய் தேவரகொண்டாவும் லிவ்விங்கில் இருப்பதாகவும், இருவரும் ஒரே ஹோட்டலில் தங்கியிருப்பதாகவும் புகைப்படத்துடன் செய்தி ஒன்றே வெளியிட்டிருந்தது. இதற்கு ராஷ்மிகா மந்தனா தனது ட்விட்டர் பக்கத்தில் இருந்து, (Aiyoo...don’t over think it babu) அதாவது, ரொம்ப ஓவரா யோசிக்காதீங்க என்று பதில் ட்வீட் செய்துள்ளார். இந்த பதில் ட்விட்டானது இணையத்தில் தற்போது வைரலாகி வருகிறது.
ஏற்கனவே ராஷ்மிகா மந்தனா, விஜய் தேவரகொண்டாவுடன் மாலத்தீவுக்கு சென்றதாக செய்திகள் பரவிய நிலையில், தற்போது லிவ்விங்கில் இருப்பதாக பரவலாக பேசப்பட்டு வருகிறது. முன்னதாக விஜய் தேவர்கொண்டாவுடன் டூர் போனதில் என்ன தவறு என்று கேள்வி எழுப்பியிருந்தார் ராஷ்மிகா.
மேலும் படிக்க
HBD Parvathy Thiruvothu: 'பூ' மாரி முதல் பனிமலர் வரை... பிறந்தநாள் வாழ்த்துகள் தங்கமே பார்வதி..