இந்திய சினிமாவில் அடுத்தடுத்து பல படங்களின் அப்டேட்டுகள், தகவல்கள் வெளியாகி ரசிகர்களை மகிழ்ச்சியில் ஆழ்த்தி வருகிறது. அந்த வகையில் நேற்றைய தினம் நடந்த சுவாரஸ்யமான சினிமா தகவல்கள் குறித்து காணலாம்.
ரஞ்சிதமே பாடல் :
நடிகர் விஜய்யின் “வாரிசு” திரைப்படம், பொங்கல் பண்டிகையையொட்டி வெளியாகும் என்று அறிவிக்கப்பட்டது. அதையடுத்து, தீபாவளியையொட்டி, படத்தின் முதல் சிங்கிள் வெளியாகும் என சொல்லபட்டது. ஆனால், படத்தின் ஃபர்ஸ்ட் சிங்கிளான, “ரஞ்சிதமே” நேற்றுதான் வெளியானது.
பழைய ட்யூனாக இருந்தாலும், இப்பாடல் வைரல் ஆகிவருகிறது. ராஷ்மிகாவை விட, பாடகி மானசி அழகாக உள்ளார் என நெட்டிசன்கள் கருத்து தெரிவித்து வருகின்றனர். இப்பாடலை நடிகர் விஜய் பாடியுள்ளார் என்பது குறிப்பிடதக்கது.
பிக் பாஸ் சீசன் 6 நிகழ்ச்சியில் இருந்து வெளியாகும் ஷெரினா சாம் :
இந்த வாரம் எலிமினேஷன் நாமினீஸ்களாக அசீம், ஆயிஷா, ஷெரின், கதிரவன் மற்றும் விக்ரமன் ஆகியோர் தேர்ந்தெடுக்கப்பட்டனர். அந்தவகையில், குறைந்த ஓட்டுகளை பெற்று ஷெரின் ஷாம் போட்டியை விட்டு வெளியாகிறார்.
முந்தைய வாரங்களில், ஜி.பி.முத்து, சாந்தி, அசல் கோலார் ஆகியோர் பிக்பாஸ் போட்டியில் இருந்து வெளியேறினர்.
ட்ரெண்டாகும் க்யூட் கரிகாலன் :
பெரும் எதிர்ப்பார்ப்பிற்கு பின், பொன்னியின் செல்வன் திரைப்படம் வெளியாகி மக்களின் ஆதரவை பெற்றது.
திரையரங்குகளில் ரிலீஸாகி வசூல் வேட்டை புரிந்த இந்தப்படம், ஓடிடி தளத்தில் வெளியாகியுள்ளது.
இப்போது, ஒரு குட்டி பையன் ஒருவன் “கள்ளும் பாட்டும் போர்களமும் ரத்தமும், எல்லாம் அவளை மறக்கத்தான் அதை மறக்கத்தான்” என்ற ஆதித்த கரிகாலனின் வசனத்தை க்யூட்டாக மழை குரலில் பேசியுள்ளான். இந்த வீடியோ தற்போது அனைவரின் கவனத்தை ஈர்த்து வருகிறது.
கமலோடு கைக்கோர்க்கும் ஹெச். வினோத் :
சதுரங்க வேட்டை, தீரன் அதிகாரம் ஒன்று, நேர்கொண்ட பார்வை , வலிமை , துணிவு ஆகிய படங்களை இயக்கிய ஹெச்.வினோத் கமலோடு இணைந்து படத்தை இயக்கவுள்ளார்
என்ற செய்தி வெளியாகிவுள்ளது. இது தொடர்பான மற்ற தகவல்கள் இன்று ஆறு மணிக்கு வெளியாகும் என எதிர்ப்பார்க்கப்படுகிறது.
எழுத்தாளர் கல்கியிற்கு நன்கொடை அளித்த PS1 குழு :
பொன்னியின் செல்வன் படத்தின் பிரமாண்ட வெற்றிக்கு அடிப்படை காரணமாக அமைந்த அமரர் கல்கிக்கு நன்றி தெரிவிக்கும் வகையில், லைகா குழுமம் மற்றும் மணிரத்னத்தின் மெட்ராஸ் டாக்கீஸ் ஆகிய இரண்டு நிறுவனங்களும், அமரர் கல்கி கிருஷ்ணமூர்த்தி அறக்கட்டளையின் முயற்சிகளுக்கு ஊக்கமளிக்கும் வகையில் ஒரு கோடியை ரூபாயை நன்கொடையாக வழங்க முன்வந்தனர். இதற்காக கல்கியின் மகன் வீட்டிற்கு வந்த அவர்கள், கல்கி கிருஷ்ணமூர்த்தியின் மகன் கல்கி ராஜேந்திரன் முன்னிலையில், அறக்கட்டளையின் நிர்வாகத் தலைவர் திருமதி சீதா ரவியிடம், ஒரு கோடி ரூபாயை நன்கொடையாக வழங்கினர்.