தமிழில் ‘டம்மி டப்பாசு’ படத்தில் அறிமுகமான ரம்யா பாண்டியன், அதனைத்தொடர்ந்து ராஜூ முருகன் இயக்கத்தில் வெளியான ‘ஜோக்கர்’படத்தில் நடித்தார். இந்தப் படம் இவருக்கு நல்லப்பெயரை பெற்றுத்தந்தது. அதன் பின் வாய்ப்புகள் வராமல் இருந்த அவர், மொட்டை மாடியில் இடுப்பு தெரிய எடுத்த கவர்ச்சிப்படங்களால் பேசு பொருளாக மாறினார் ரம்யா. அதனைத்தொடர்ந்து பிக்பாஸில் சீசன் 4 இல் கலந்து கொள்ளும் வாய்ப்பு அவருக்கு கிடைத்தது. அந்த சீசனில் கலந்து கொண்ட அவர் இறுதிப் போட்டி வரை முன்னேறினார்.
அத்துடன் சமீபத்தில் நடந்துமுடிந்த பிக்பாஸ் அல்டிமேட் நிகழ்ச்சியிலும் கலந்துகொண்ட இவர் 3-ம் இடம் பிடித்தார். தற்போது மலையாளத்தில் மம்முட்டி நடிப்பில் லியோ ஜோஸ் பெல்லிஸ்ரி இயக்கத்தில் உருவாகி வரும் புதிய படத்தில் நடிகை ரம்யா பாண்டியன் நடித்து வருகிறார். இந்தப் படத்திற்கு ‘நண்பகல் நேரத்து மயக்கம்’ என்று பெயர் வைக்கப்பட்டுள்ளது.
இப்போது கவர்ச்சி படங்களின் 2.0 போல, ரம்யா பாண்டியன் வெள்ளை நிற உடையில் க்ளாமரான போட்டோக்களை ஷேர் செய்துள்ளார்.
நடிகை ரம்யா பாண்டியன் தனது போட்டோக்களை பதிவிட்டு ''நிலத்தில் வாழும் அன்னப்பறவை'' என கேப்சன் போட்டுள்ளார். தொடர்ந்து இவர் இதுபோன்ற கிளாமர் புகைப்படங்களை பதிவிட்டு வருவது குறிப்பிடத்தக்கது.
சில நாட்களுக்கு முன், கருப்பு நிற உடையில் இதே போல் கவர்ச்சி புகைப்படங்களை தனது இன்ஸ்டாகிராம் பக்கத்தில் பதிவிட்டிருந்தார்.