பிரபல தெலுங்கு நடிகர் ரவி தேஜாவின் 68ஆவது திரைப்படத்தின் டைட்டில் மற்றும் ஃபர்ஸ்ட் லுக் போஸ்டர் வெளியாகியுள்ளது. இந்தப் படத்திற்கு ’ராமாராவ் ஆன் டூட்டி’ என்று பெயரிடப்பட்டுள்ளது.
தெலுங்கில் ரசிகர்களால் மாஸ் மகாராஜா என்று அழைக்கப்படுபவர் நடிகர் ரவி தேஜா. இவரது படம் வெளியாகிறது என்றாலே, ரசிகர்களுக்கு கொண்டாட்டம்தான். ஏனென்றால், அந்தளவிற்கு ரவி தேஜாவின் படங்கள் பக்கா கமர்ஷியலாக இருக்கும். கமர்ஷியல் திரைப்படங்களுக்கு தேவையான அனைத்தும் இவரது படங்களில் இருக்கும். முக்கியமாக நகைச்சுவை காட்சிகளில் மனுஷன் அதகளப்படுத்துவார். காமெடி நடிகர்களுடன் சேர்ந்து இவர் நடிக்கும்போதெல்லாம், ஒரு சில நேரத்தில் அவர்களையே ஓவர் டேக் செய்து விடுவார். பல ஹிட் படங்களை கொடுத்த ரவி தேஜா, சில வருடங்களாக பெரிய ஹிட் கொடுக்காமல் தவித்து வருகிறார். கடைசியாக இவரது நடிப்பில் வந்த ‘கிராக்’ திரைப்படம் அவருக்கு நல்ல ஹிட் கொடுத்தது.
இந்நிலையில், ரவி தேஜாவின் 68ஆவது திரைப்படத்தின் டைட்டில் மற்றும் ஃபர்ஸ்ட் லுக் போஸ்டர் வெளியாகியுள்ளது. இந்தப் படத்திற்கு ’ராமாராவ் ஆன் டூட்டி’ என்று பெயரிடப்பட்டுள்ளது. ஃபர்ஸ்ட் லுக்கில், ரவிதேஜா பேண்ட் பாக்கெட்டில் கை வைத்துக்கொண்டு, சன் கிளாஸூடன் ஸ்டைலாக நிற்கிறார். அவருக்கு பின்னால் அரசாங்கத்தின் ஜீப் ஒன்று நிற்கிறது. இதன்மூலம், இந்தப் படத்தில் அவர் ஒரு அரசு அதிகாரியாக நடிக்கிறார் என்று தெரிகிறது. ஃபர்ஸ்ட் லுக் வெளியானதை தொடர்ந்து, ரவி தேஜாவின் ரசிகர்கள் அதனை சமூகவலைதளங்களில் ஷேர் செய்தும், டிரெண்ட் செய்தும் வருகின்றனர். ரவி தேஜாவுக்கு ஜோடியாக திவ்யன்ஷா கெளசிக் நடிக்கிறார்.
அறிமுக இயக்குநர் சரத் மண்டவா இந்தப் படத்தை இயக்குக்கிறார். சுதாகர் செருகரி தயாரிக்கும் இந்தப் படம் நிஜ வாழ்க்கை நிகழ்வுகளால் ஈர்க்கப்பட்டு எடுக்கப்படுவதாக கூறப்படுகிறது. தமிழ் இசையமைப்பாளார் சாம் சி.எஸ். இசையமைக்கிறார். சத்யன் சூரியன் ஒளிப்பதிவு செய்கிறார். இந்தப் படத்தின் படப்பிடிப்பு தற்போது ஹைதாராபாத்தில் நடைபெற்று வருகிறது.
ராமராவ் ஆன் டூட்டிக்குப் பிறகு, ரவி தேஜா, இயக்குனர் திரிநாத ராவ் நக்கினா இயக்கத்தில் நடிக்க உள்ளார். இவர் நடிப்பில் உருவாகியுள்ள ‘கில்லாடி’ விரைவில் திரையரங்குகளில் வெளியாக உள்ளது.
Rakul Preet | ”இது வெறும் ஆரம்பம்தான்“ : பாலிவுட்டில் அதிரடி காட்டும் ரகுல் பிரீத் சிங்!