ராயன்
துள்ளுவதோ இளமை படத்தில் நாயகனாக அறிமுகமான தனுஷின் 50 ஆவது படமாக உருவாகியுள்ளது ராயன். இப்படத்தை தனுஷே இயக்கி நாயகனாக நடித்துள்ளார். சந்தீப் கிஷன் , காலிதாஸ் ஜெயராமன் , துஷாரா விஜயன் , எஸ்.ஜே.சூர்யா , செல்வராகவன் , பிரகாஷ் ராஜ் , அபர்ணா பாலமுரளி , வரலட்சுமி சரத்குமார் என ஏராளமான பிரபலங்கள் இப்படத்தில் நடித்துள்ளார்கள்.
இசைப்புயல் ஏ.ஆர் ரஹ்மான் இப்படத்திற்கு இசையமைத்துள்ளார். ஓம் பிரகாஷ் ஒளிப்பதிவும் , ஜாக்கி கலை வடிவமைப்பும் செய்துள்ளார்கள். ராயன் படம் வரும் ஜூலை 26 ஆம் தேதி திரையரங்குகளில் வெளியாக இருக்கிறது. இந்நிலையில் ராயன் படத்தின் ப்ரோமோஷனுக்காக படக்குழுவினர் நேற்று ஹைதராபாதில் ரசிகர்கள் மற்றும் பத்திரிகையாளர்களை சந்தித்தனர். இந்த நிகழ்ச்சியில் நடிகர் தனுஷ் ராயன் படம் குறித்து பல்வேறு சுவாரஸ்ய தகவல்களை பகிர்ந்துகொண்டார்.
ராயன் படத்தில் ரஜினிகாந்த்
இந்த நிகழ்ச்சியில் நடிகர் தனுஷுடன், காளிதாஸ் ஜெயராம், கேட்டபோது, ராயன் படத்தில் நீங்கள் நடிக்காமல் அதை இயக்க மட்டும் செய்திருந்தால் யாரை ராயனாக நடிக்க வைத்திருப்பீர்கள் என்று கேள்வி கேட்டார். அதற்கு தனுஷ் ராயன் படத்தில் ரஜினிகாந்தை ராயனாக நடிக்க வைத்திருப்பேன் என்று பதிலளித்துள்ளது ரசிகர்களை கவர்ந்துள்ளது.
கூலி
ரஜினிகாந்த் நடித்துள்ள வேட்டையன் படம் தற்போது டப்பிங் பணிகள் நடைபெற்று வருகிறது.ஜெய் பீம் படத்தை இயக்கிய த.செ ஞானவேல் இப்படத்தை இயக்கியுள்ளார். அமிதாப் பச்சன் , துஷாரா விஜயன் , ஃபகத் ஃபாசில் , ரித்திகா சிங் , மஞ்சு வாரியர் இப்படத்தில் நடித்துள்ளார்கள். அனிருத் இப்படத்திற்கு இசையமைத்துள்ளார். லைகா ப்ரோடக்ஷன்ஸ் இப்படத்தை தயாரித்துள்ளது. வரும் அக்டோபர் மாதம் இப்படம் திரையரங்குகளில் வெளியாகும் என்று எதிர்பார்க்கப்படுகிறது .
வேட்டையன் படத்தைத் தொடர்ந்து லோகேஷ் கனகராஜ் இயக்கியுள்ள கூலி படத்தில் ரஜினி நடித்து வருகிறார். சன் பிக்ச்சர்ஸ் இப்படத்தை தயாரிக்கிறது. அனிருத் இசையமைக்கிறார் . சத்யராஜ் , ஸ்ருதி ஹாசன் , செளபின் சாஹிர் உள்ளிட்டவர்கள் இப்படத்தில் நடிக்க இருப்பதாக தகவல் வெளியாகியுள்ளது.
மேலும் படிக்க : Rajinikanth : இந்தியன் 2 படம் எப்டி இருக்கு? ஒரே வார்த்தையில் முடித்த ரஜினிகாந்த்