அல்லு அர்ஜூன் மற்றும் ராஷ்மிகா நடித்த புஷ்பா தி ரைஸ் படம் இன்றளவும் பேசப்படுகிறது. படம் வெளியாகி ஒரு வருடம் முடிய போகும் நிலையிலும் பல பொழுதுபோக்கு செய்திகளின் தலைப்பு செய்தியாக வளம் வந்து கொண்டிருக்கிறது.
புஷ்பானா ப்ளவர் நினச்சியா..ஃபயர் டா டைலாக் முதல் ஒ சொல்றியா மாமா பாடல் வரை பல ஹிட்களை கொடுத்தது இப்படம். தற்போது மாஸ்கோவில் நடைபெற்ற திரைப்பட திருவிழாவில் உலகளவு ப்ளாக் பஸ்டர்ஸ் என்ற தலைப்பின் கீழ் புஷ்பா படம் திரையிடப்பட்டது.
இன்ஸ்டா பக்கத்தில், மாஸ்கோ நாட்டின் இந்திய தூதரகம் அல்லு அர்ஜூன் போஸ்ட்ரை ஷேர் செய்தது. அதற்கு கேப்ஷனாக “ மாஸ்கோ சர்வதேச திரைப்பட திருவிழா, உலகளவு ப்ளாக் பஸ்டர் என்ற பிரிவில் புஷ்பா தி ரைஸ் படத்தை தேர்வு செய்துள்ளது” என்று பதிவிட்டிருந்தது.அல்லு அர்ஜூன், ஃபஹத் ஃபாசில், ராஷ்மிகா ஆகியோரை வைத்து சுகுமார் பண்ட்ரெட்டி இயக்கிய புஷ்பா படம் 2021 ஆம் ஆண்டில் உலகம் முழுவதும் நல்ல வசூல் செய்து பேசுபொருளாகியது என்றும் மாஸ்கோ தூதரகம் குறிப்பிட்டிருந்தது. நேற்று, விநாயகர் சதுர்த்தி கொண்டாடப்பட்டது. அதிலும் புஷ்பா விநாயகர் பயங்கர ட்ரெண்டானது.
அமேசான் ப்ரைமில் வெளியான பிறகு இப்படம் இன்னும் பிரபலமானது. எந்த வித ப்ரொமோஷனும் இல்லாமல் அசால்டாக வசூல் வேட்டை புரிந்தது. இப்படம் வெளியான போது ஸ்பைடர் மேன் நோ வே ஹாம், 83 ஆகிய படங்கள் ரிலீஸானது என்பது குறிப்பிடதக்கது.
மேலும் படிக்க : மீண்டும் 21 நாட்கள் பாங்காக்கில் படப்பிடிப்பு...பறக்கத் தயாராகும் AK 61 படக்குழு!