செய்தி வாசிப்பாளராக அறிமுகமாகி, தன் திறமையால் தமிழ் திரையுலகில் இளம் நடிகையாக வெற்றிப் பாதையில் பயணித்துக் கொண்டிருப்பவர் பிரியா பவானி சங்கர். சின்னத்திரையில் தனக்கான தனி இடத்தை உருவாக்கியவர். வெள்ளித்திரையிலும் தனக்கென தனி அடையாளத்துடன் வளம் வருபவர். தன்னை கொண்டாடும் ரசிகர்களின் கேள்விகள், கருத்துக்கள் ஆகியவற்றை மதித்து அவர்களுக்கு பதிலாற்றுவதை இவர் பழக்கமாக கொண்டிருக்கிறார்.
அந்த வகையில், இன்று தனது டிவிட்டர் பக்கத்தில், தனது சமீபத்திய ஃபோட்டோ ஷூட் புகைப்படங்களை பகிந்து அதில்,” ஒரு அழகான, சிறந்த போட்டோவிற்கு பின், ஸ்டைலிங் செய்பவர், மேக்கப் கலைஞர்கள், லைட்ஸ், போட்டோகிராபர்களின் உழைப்பு இருக்கிறது. ஆனால், இதை நாடு சமூக வலைதளங்களில் ‘ அழகான, மிளிரும் ஆன்மாவை கொண்டவள் இவள்’ என்று பதிவிடுவேன் இல்லை. எவ்வளவு முரணாக இருக்கிறது?” என்று குறிப்பிட்டுள்ளார்.