பொங்கல் பண்டிகை தமிழ்நாடு முழுவதும் விமரிசையாக கொண்டாடப்படுகிறது. இன்று மாட்டு பொங்கலும் கோலாகலமாக கொண்டாடப்பட்டது. மாட்டு பொங்கலையொட்டி இன்று உலக புகழ்பெற்ற பாலமேடு ஜல்லிக்கட்டும் நடந்தது.
இதற்கிடையே மக்கள் தங்களது வீடுகளில் கொரோனா விதிமுறைகளை பின்பற்றி நேற்றும், இன்றும் பொங்கலை கொண்டாடினர். சாதாரண மக்கள் மட்டுமின்றி திரையுலக பிரபலங்களும் தங்கள் வீட்டினில் பொங்கல் வைத்து கொண்டாடினர். அந்தக் கொண்டாட்டத்தை அவர்கள் புகைப்படமாக தங்கள் சமூக வலைதள பக்கங்களில் பகிர்ந்து அனைவருக்கும் பொங்கல் வாழ்த்து தெரிவித்தனர்.
இந்நிலையில் செய்தி வாசிப்பாளராக இருந்து நடிகையாக ஜொலித்துக்கொண்டிருக்கும் ப்ரியா பவானி ஷங்கர் பொங்கல் சாப்பிடும் புகைப்படத்தை தனது ட்விட்டர் பக்கத்தில் பகிர்ந்துள்ளார்.
அந்த ட்வீட்டில், “பொங்கல் அதுவுமா diet இது சாப்டமாட்டேன்னுலாம் யார் மனசையும் கஷ்டப்படுத்த கூடாது be kind always! நம்மால் முடிந்தது” என்று பதிவிட்டுள்ளார். அவரது இந்த ட்வீட்டை தற்போது பலரும் பகிர்ந்து பொங்கல் வாழ்த்து தெரிவித்துவருகின்றனர்.
ப்ரியா பவானி ஷங்கர் நடிப்பில் சமீபத்தில் ஜீ5 ஓடிடி தளத்தில் ப்ளட் மணி என்ற படம் வெளியானது. அவர் தற்போது அதர்வாவுடன் குருதி ஆட்டம், ஷங்கர் இயக்கத்தில் கமல் ஹாசனுடன் இந்தியன் 2 , தனுஷுடன் திருச்சிற்றம்பலம் உள்ளிட்ட 10 படங்களுக்கும் மேல் கைவசம் வைத்துள்ளார்.
ஒரே நேரத்தில் ப்ரியா பவானி ஷங்கருக்கு இவ்வளவு பட வாய்ப்புகள் குவிந்ததை கோலிவுட்டில் பலரும் ஆச்சரியத்தோடு பார்த்துவருகின்றனர். மேலும் முன்னணி கதாநாயகிகளுக்கு டஃப் கொடுக்கும் அளவு ப்ரியா பவானி ஷங்கரின் வளர்ச்சி அமைந்திருப்பதாகவும் கோலிவுட்டில் பலர் கூறுகின்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: Vaathi Movie: 'அப்படியெல்லாம் ஒன்னுமில்லை' சம்யுக்தாவை சுற்றும் புதுத்தகவல் - வாத்தி படக்குழு சொன்னது இதுதான்!