சிம்புவை வைத்து அலை படத்தை இயக்கியதன் மூலம் தமிழ் சினிமாவில் இயக்குநராக அறிமுகமானவர் இயக்குநர் விக்ரம் குமார். அந்தப் படம் தோல்வியை சந்தித்தது.
இதனையடுத்து ஆறு வருடங்கள் தமிழில் படம் இயக்காமல் இருந்த விக்ரம் குமார் 2009ஆம் ஆண்டு மாதவன், நீத்து சந்திராவை வைத்து யாவரும் நலம் என்ற படத்தை இயக்கினார். திகில் படமான யாவரும் நலம் வித்தியாசமான திரைக்கதையாலும், கதை சொல்லல் முறையாலும் பெரும் வெற்றி பெற்றது.
தொடர்ந்து தெலுங்குக்கு சென்ற விக்ரம் குமார் அங்கு இஷ்க், மனம் ஆகிய படங்களை இயக்கினார். மனம் படத்தில் நாகேஸ்வர ராவ், அவரது மகன் நாகார்ஜுனா மற்றும் நாகார்ஜுனாவின் மகன் நாக சைதன்யா ஆகிய மூன்று பேரும் நடித்தனர். மூன்று தலைமுறை நடிகர்கள் நடித்த மனம் ரசிகர்களிடையே வரவேற்பை பெற்றது.
மனம் படத்துக்கு பிறகு மீண்டும் தமிழுக்கு வந்த விக்ரம் குமார் சூர்யாவை வைத்து 24 படத்தை இயக்கினார். டைம் மெஷின் கான்செப்ட்டை வைத்து எடுக்கப்பட்டதாலும் படத்துக்கு ஏ.ஆர். ரஹ்மான் இசை என்பதாலும் படத்தின் மீதான எதிர்பார்ப்பு ரசிகர்களிடையே பல மடங்கு எழுந்தது.
ஆனால் ரசிகர்களின் எதிர்பார்ப்பை ஏமாற்றும் விதமாக அப்படம் தமிழில் சரியான வரவேற்பை பெறவில்லை. 2016ஆம் ஆண்டு வெளியான 24 பட தோல்விக்கு பிறகு தமிழில் அவர் படங்கள் இயக்குவதை நிறுத்தியிருக்கிறார்.
இருப்பினும் தெலுங்கில் அவர் நாக சைதன்யாவை வைத்து ஹலோ படத்தை இயக்கினார். அதனையடுத்து தற்போது நாக சைதன்யாவை வைத்தே தேங்க்யூ என்ற படத்தை இயக்கிவருகிறார்.
இந்நிலையில், நாகசைதன்யா நடிப்பில் அடுத்ததாக விக்ரம் குமார் வெப் சீரிஸ் ஒன்றை இயக்கவிருக்கிறார். தெலுங்கில் தயாராகும் இந்த வெப் சீரிஸில் நாயகியாக ப்ரியா பவானி சங்கர் ஒப்பந்தமாகியுள்ளார்.
திரைப்படங்களில் பிஸியாக நடித்துவரும் ப்ரியா பவானி சங்கர் தற்போது வெப் சீரிஸிலும் அடியெடுத்து வைத்திருப்பதால் அவரது ரசிகர்கள் மகிழ்ச்சியில் உள்ளனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
மேலும் வாசிக்க: Preity Zinta Blessed with Twins: ''ஸ்வீட் எடு.. கொண்டாடு.'' இரட்டைக்குழந்தைக்கு தாயான ப்ரீத்தி ஸிந்தா!
Shankar movie update: ஷங்கரின் அடுத்த பட உரிமைக்கு ஜீ ஸ்டூடியோஸ் கொடுத்த தொகை எவ்வளவு தெரியுமா?