பிரபாஸ் நடித்திருக்கும் சலார் திரைப்படம் வருகின்ற செப்டம்பர் மாதம் 28 ஆம் தேதி வெளியாக இருந்த நிலையில் தற்போது படத்தின் ரிலீஸ் தேதி ஒத்திவைக்கப் பட்டுள்ளது.
சலார்
கே.ஜி.எஃப் இரண்டு பாகங்களை இயக்கிய பிரஷாந்த் நீல் தற்போது இயக்கியிருக்கும் படம் சலார். பிரபாஸ் , ஷ்ருதி ஹாசன் , ப்ரித்விராஜ் உள்ளிட்டவர்கள் இந்தப் படத்தில் நடித்திருக்கிறார்கள். ஆதிபுருஷ் படத்தின் தோல்வியைத் தொடர்ந்து பிரபாஸின் ரசிகர்கள் ஆர்வமாக காத்திருக்கும் படம் வெற்றியடையும் என எதிர்பார்ப்புகள் இருந்து வருகிறது.
கடந்த ஜூலை மாதல் 6 ஆம் தேதி சலார் படத்தின் டீசர் வெளியாகி 100 மில்லியன் பார்வையாளர்களை எட்டியது. மேலும் சலார் திரைப்படம் கே.ஜி எஃப் திரைப்படத்துடன் தொடர்புடைய படமாக இருப்பதற்கான அத்தனை சாத்தியங்களும் இருப்பதால் ரசிகர்கள் இந்தப் படத்தின் ரிலீஸை எதிர்பார்த்து காத்திருக்கிறார்கள்.
தாமதமாகும் ரிலீஸ்
சலார் திரைப்படம் செப்டம்பர் 28 ஆம் தேதி வெளியாகும் என முன்னதாக தெரிவிக்கப்பட்டிருந்த நிலையில் படத்தின் ரிலீஸ் ஒத்திவைக்கப்படலாம் என சினிமா வட்டாரங்களில் பேச்சு எடுபட்டது. ஆனால் இது தொடர்பாக அதிகாரப்பூர்வமாக எந்த அறிவிப்பும் படக்குழு சார்பில் இருந்து தெரிவிக்கப் டவில்லை. இதனால் ரசிகர்கள் குழப்பத்தில் இருந்து வந்தார்கள்.
ரிலீஸ் எப்போது?
தற்போது சலார் திரைப்படத்தின் தயாரிப்பாளரான ஹாம்போலே ஃபிலிம்ஸ் தனது ட்விட்டர் பக்கத்தில் வெளியிட்டுள்ளத் தகவலின் படி சலார் திரைப்படம் வருகின்ற செப்டம்பர் 28 ஆம் தேதி வெளியாகாது எனவும் படத்தின் ரிலீஸ் தேதி விரைவில் அறிவிக்கப்படும் என தெரியவந்துள்ளது. தயாரிப்பு நிறுவனம் வெளியிட்டுள்ள தகவல் “ சலார் திரைப்படத்திற்கு உங்களது அளவுகடந்த ஆதரவிற்கு நன்றி.
ஒரு சில எதிர்பாராக காரணங்களால் செப்டம்பர் 28 ஆம் தேதி வெளியாக இருந்த சலார் திரைப்படம் ஒத்திவைக்கப் படுகிறது. ஒரு சிறந்த திரைப்பட அனுபவத்தை ரசிகர்களாகிய உங்களுக்கு வழங்குவதன் நோக்கத்தினால் மட்டுமே இந்த தாமதம் ஏற்பட்டுள்ளது. உயர்தரமான ஒரு அனுபவத்தைக் கொடுக்க எங்களது குழு முழு வீச்சுடன் வேலை செய்து கொண்டிருக்கிறது. படத்தின் உண்மையான ரிலீஸ் தேதி விரைவில் அறிவிக்கப்படும் அதுவரை எங்களுடன் இருங்கள்.” என்று தெரிவிக்கப் பட்டுள்ளது.
படத்தில் பல்வேறு வி.எஃப். எக்ஸ் காட்சிகளின் பணி முழுமையடையாததே இந்த தாமதத்திற்கு காரணம் என்று கூறப்படுகிறது.
பிரபாஸ் நடித்து வரும் படங்கள்
சலார் திரைப்படத்தைத் தொடர்ந்து பிரபாஸ் நடித்து வரும் மற்றொரு பிரம்மாண்டமான செலவில் உருவாகு படம் கல்கி2898. பிரபாஸ் , ரானா டகுபதி, கமல்ஹாசன் உள்ளிட்டவர்கள் நடிக்கும் இந்தப் படத்தை நாக் அஸ்வி இயக்குகிறார். சந்தோஷ் நாராயணன் இந்தப் படத்திற்கு இசையமைக்கிறார்.