கனடா நாட்டு நடிகை நோரா ஃபதேஹி. இவர் இந்திய திரைத்துறையிலும் நடித்துவருகிறார். இவருக்கு பலர் ரசிகர்களாக இருக்கின்றனர். ரசிகர்கள் இன்று பிற்பகல் நோரா ஃபதேஹியின் இன்ஸ்டாகிராம் பக்கத்தை பார்க்க முடியாமல் அதிர்ச்சியடைந்தனர். மேலும் நோரா, தனது கணக்கை அழித்துவிட்டாரா என்றும், சில தொழில்நுட்ப கோளாறுகள் ஏற்பட்டிருக்குமோ என்ற சந்தேகம் எழுந்தது.
இந்நிலையில், நோரா ஃபதேஹி தனது இன்ஸ்டாகிராம் பக்கத்தில், “மன்னிக்கவும் தோழர்களே! எனது இன்ஸ்டாகிராம் பக்கத்தை ஹேக் செய்ய முயற்சி நடந்தது! யாரோ ஒருவர் காலையில் இருந்து என் கணக்கில் நுழைய முயற்சிக்கிறார்! இதை விரைவாக வரிசைப்படுத்த எனக்கு உதவிய இன்ஸ்டாகிராம் குழுவிற்கு நன்றி" என்று குறிப்பிட்டுள்ளார்.
நோரா ஃபதேஹிக்கு இன்ஸ்டாகிராமில் 37.6 மில்லியன் ஃபாலோயர்ஸ் இருக்கின்றனர். இவர் தனது புகைப்படங்களை இன்ஸ்டாகிராமில் பதிவிடுவது அதை ரசிகர்கள் வைரலாக்குவது வழக்கம்.
நோரா ஃபதேஹி சமீபத்தில் பஞ்சாபி பாடகர் குரு ரந்தவாவுடன் டான்ஸ் மேரி ராணி இசை வீடியோவில் தோன்றினார். இந்த வீடியோவும் பாடலும் பார்வையாளர்கள் மத்தியி பெரும் வரவேற்பை பெற்றது குறிப்பிடத்தக்கது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்