டோலிவுட் நடிகைகளில் மிகவும் கவர்ச்சியான நடிகையாக பவனி வரும் நிதி அகர்வால் சமீபத்தில் அளித்துள்ள அதிரடியான பேட்டி திரையுலகை அதிர்ச்சியில் உறைய வைத்துள்ளது.
இயக்குனர் க்ரிஷ் இயக்கத்தில் பீரியாடிக் ஆக்ஷன் திரைப்படமாக உருவாகி வரும் ஹரிஹர வீர மல்லு திரைப்படத்தில் டோலிவுட் முன்னணி நடிகரான பவன் கல்யாண் ஜோடியாக நடித்து வருகிறார் நிதி அகர்வால். தமிழ் சினிமாவில் பூமி, ஈஸ்வரன் உள்ளிட்ட படங்களில் நடித்துள்ளார்.
டோலிவுட் வாய்ப்பு :
2015ம் ஆண்டு வெளியான "முன்னா மைக்கேல்" என்ற இந்தி திரைப்படத்தின் மூலம் திரையுலகிற்கு அறிமுகமானார். பிறகு டோலிவுட்டில் "சவ்யசாச்சி" எனும் திரைப்படம் மூலம் நாகசைதன்யா ஜோடியாக அறிமுகமானவர். அகில் அக்கினேனி ஜோடியாக மிஸ்டர் மஜ்னு திரைப்படத்தில் நடித்திருந்தார். இந்த இரு படங்களுமே நிதி அகர்வாலுக்கு பெரிய பிரபலத்தை ஏற்படுத்தவில்லை. பின்னர் பூரி ஜெகன்நாத் இயக்கத்தில் மாஸ் மசாலா திரைப்படமான "ஸ்மார்ட் ஷங்கர்" திரைப்படத்தில் ராம் ஜோடியாக நடித்திருந்தார். இந்த திரைப்படம் மூலம் நிதிக்கு ஒரு பிரேக் கிடைத்தது. அது ஒரு பிளாக் பஸ்டர் திரைப்படமாக வெற்றி பெற்றதை தொடர்ந்து நிதிக்கு டோலிவுட்டில் அடுத்தடுத்து வாய்ப்புகள் குவிந்தன.
கிளாமர் தான் முக்கியம் :
நிதி அகர்வால் சமீபத்தில் ஒரு பேட்டியில் சில அதிரடியான கருத்துக்களை முன்வைத்துள்ளார். ”சினிமாவில் ஜெயிப்பதற்கு திறமை மட்டுமே போதாது. திறமையை பார்த்து வாய்ப்புகளும் அமையாது. ஒரு சிலர் மட்டுமே திறமைக்கு வாய்ப்பளிப்பார்கள். பெரும்பாலானோர் அழகை மட்டுமே பார்க்கிறார்கள். கவர்ச்சியாக உடம்பை காட்டி நடிக்க தயார் என்றால் வாய்ப்புகள் கொடுக்கிறார்கள். அழகோடு கிளாமரும் சேர்ந்து ஹாட்டாக இருந்தால் மட்டுமே இங்கு ஜெயிக்க முடியும். கிளாமரை காமிக்க தயங்கினால் ஹீரோயினாக முன்னேற முடியாது. இது தெரியாமல் பல நடிகைகள் பாதியில் நடிப்பதில் இருந்து விலகி கொள்கிறார்கள்” என கூறினார் நிதி அகர்வால்.
சம்பளம் குறைவு - வாய்ப்புகள் அதிகம் :
மேலும் நிதி அகர்வால் கூறுகையில் ”என்னை போன்ற ஒரு நடிகைக்கு பெரிய ஹீரோக்களுடன் நடிக்க வாய்ப்பு கிடைக்க காரணம் சம்பளம். நான் அதிகமான சம்பளம் வேண்டும் என கெடுப்படியாக இருக்க மாட்டேன். என்ன கொடுக்கிறார்களோ அதை பெற்று கொள்வேன். இது வரையில் அப்படி தான் நான் இத்தனை படங்களில் நடித்துள்ளேன். நான் அதிகமான சம்பளம் கேட்டு இருந்தால் உடனே என்னை நிராகரித்து இருப்பார்கள்” என கூறினார் நிதி அகர்வால். அவரின் இந்த அதிரடியான பேட்டி திரையுலகத்தை சேர்ந்த பலருக்கும் செம்ம ஷாக்காக இருந்தது.
நிதி அகர்வால் தான் நடிக்கும் படங்களுக்கு 30 லட்சம் முதல் 50 லட்சம் வரை தான் பெற்று கொள்கிறார் என திரை வட்டாரங்கள் கூறுகின்றன.