போடா போடி படத்தின் மூலம் தமிழ் சினிமாவில் இயக்குநராக அறிமுகமான விக்னேஷ் சிவன் தமிழ் சினிமாவில் தனக்கென ஒரு தனி இடத்தை பிடித்துள்ளார். இயக்குனராகவும், தயாரிப்பாளராகவும் தன்னை நிரூபித்து வரும் விக்னேஷ் சிவன் பிறந்தநாள் இன்று. விஜய் சேதுபதி - நயன்தாரா நடிப்பில் வெளியான 'நானும் ரெளடிதான்' படம் அவருக்கு ஒரு மிக பெரிய வெற்றிப்படமாக அமைந்தது. அந்த படப்பிடிப்பின் போது விக்னேஷ் சிவன் - நயன்தாரா இடையே ஏற்பட்ட நட்பு காதலாக மாறி இருவரும் லிவிங் டுகெதர் ரிலேஷன்ஷிப்பில் இருந்து வந்தனர். இருவரும் இணைந்து ரெளடி பிக்சர்ஸ் என்ற நிறுவனத்தின் கீழ் படங்களை தயாரித்து வந்தனர்.
நயன்தாரா - விக்னேஷ் சிவன் திருமணம் மிகவும் பிரமாண்டமாக 2022ம் ஆண்டு ஜூன் மாதம் நடைபெற்றது. இவர்களுக்கு வாடகை தாய் மூலம் இரட்டை ஆண் குழந்தைகளுக்கு பெற்றோர் ஆனார்கள். இந்த விவகாரம் பேரும் சர்ச்சையில் சிக்கி பின்னர் தெளிவுபெற்றது.
தொடர்ந்து திரைப்படங்களில் கலக்கி வரும் நயன்தாரா நடிப்பில் அட்லீ இயக்கத்தில் சமீபத்தில் வெளியான 'ஜவான்' திரைப்படம் மூலம் பாலிவுட்டில் அடியெடுத்து வைத்துள்ளார். தென்னிந்திய திரையுலகில் லேடி சூப்பர் ஸ்டார் என் கொண்டாடப்படும் நயன்தாரா அடுத்ததாக பாலிவுட் நடிகைகளை தெறிக்க விட ரெடியாகிவிட்டார்.
மிகவும் சந்தோஷமான ரொமான்டிக் ஜோடிகளாக தென்னிந்திய திரையுலகை பொறாமைப்பட வைக்கும் நயன்தாரா - விக்னேஷ் சிவன் தம்பதி சோஷியல் மீடியாவிலும் கலக்கி வருகிறார்கள். தனது 38 வது பிறந்தநாளை இன்று கொண்டாடும் காதல் கணவர் விக்னேஷ் சிவனுக்கு ரொமான்டிக் போஸ்ட் ஒன்றை போஸ்ட் செய்துள்ளார் நயன்தாரா.
"இனிய பிறந்தநாள் வாழ்த்துக்கள். உங்கள் பற்றி இந்த ஸ்பெஷலான நாளில் எழுத நிறைய இருக்கிறது. ஆனால் ஒரு சில விஷயங்களை என்னால் எழுதாமல் இருக்க முடியவில்லை. என் மீது நீங்கள் பொழிந்த அன்பிற்கு நான் மிகவும் நன்றியுள்ளவளாக இருக்கிறேன் !! நமது உறவு மீது நீங்கள் வைத்திருக்கும் மரியாதைக்கு நான் மிகவும் நன்றியுள்ளவளாக இருக்கிறேன். நீங்கள் என் வாழ்க்கையில் கிடைத்ததற்கு நான் மிகவும் கடமைப்பட்டுள்ளேன். உங்களைப்போல யாரும் இருக்க முடியாது. நீங்கள் என் வாழ்க்கையில் வந்து என்னுடைய வாழ்க்கையை அர்த்தமுள்ளதாக மாற்றியதற்கு நன்றி. நீங்கள் எது செய்தாலும் அது தான் பெஸ்ட். என்னுடைய ஆழ்மனதில் இருந்து என்னுடைய உயிருக்கு அனைத்தும் பெஸ்ட்டாக அமைய வாழ்த்துக்கள். உங்களுக்கு அனைத்து கனவும் நனவாகட்டும். கடவுள் உங்களுக்கு இந்த உலகில் உள்ள எல்லா மகிழ்ச்சியையும் கொடுத்து ஆசீர்வதிக்கட்டும். ஐ லவ் யூ!!!"
என ஒரு நீளமான போஸ்ட் ஒன்றை பகிர்ந்துள்ளார். அத்துடன் அவர்கள் இருவரும் எடுத்துக்கொண்ட அழகான புகைப்படங்களையும் பகிர்ந்துள்ளார். விக்னேஷ் சிவனுக்காக நயன்தாரா செய்துள்ள இந்த போஸ்ட் லைக்ஸ்களை குவித்து வருகிறது.