நயன்தாரா- விக்னேஷ் சிவன் தம்பதி தங்கள் விடுமுறையை ஜாலியாக ஸ்பெயினில் செலவிட்டு வரும் நிலையில், அடுத்தடுத்து ஃபோட்டோக்கள் பகிர்ந்து தங்கள் ரசிகர்களை மகிழ்வித்து வருகின்றனர்.
அந்த வகையில், ஸ்பெயினின் பிரபல நினைவுச் சின்னமான சாக்ரடா ஃபேமிலியாவுக்குள், வண்ண பெயிண்டுகள் அடிக்கப்பட்ட கண்ணாடி வழியாக சூரிய ஒளி நயனின் முகத்தில் படும்படியான அழகிய ‘சன் கிஸ்ட்’ புகைப்படங்கள் எடுத்து விக்னேஷ் சிவன் தன் இன்ஸ்டா பக்கத்தில் பகிர்ந்துள்ளார்.
மேலும், தான் முத்தமிடும் முன்பாக, வண்ணம் பூசப்பட்ட கண்ணாடி வழியாக ஊடுருவி சூரிய ஒளி முந்திக்கொண்டு நயனை முத்தமிட்டு விட்டது என ரசனையான கேப்ஷனுடன் இந்த ஃபோட்டோக்களை பகிர்ந்துள்ளார்.
ஸ்பானிய கட்டடக் கலைஞர் அன்டோனி கௌடி என்பவரால் வடிவமைக்கப்பட்ட ஸ்பெயினின் முக்கிய நினைவுச் சின்னங்களில் ஒன்று ‘லா சாக்ரடா ஃபேமிலியா.’ இந்த நினைவுச்சின்னத்துக்கு வெளியே நின்றபடியும் முன்னதாக நயன் - விக்கி ஜோடி ஃபோட்டோக்களை பகிர்ந்தது.
மேலும், தங்கள் பயணத்தை தொடங்கியபோது பார்சிலோனாவுக்கு விமானத்தில் பறந்தபடி தங்கள் புகைப்படங்களைப் பகிர்ந்து ட்ரெண்ட் செய்தனர்.
நேற்று (ஆக.15) ஸ்பெயினில் இருந்தபடி இருவரும் சுதந்திர தினம் கொண்டாடி புகைப்படங்கள் பகிர்ந்து நெட்டிசன்களைக் கவர்ந்தனர்.