பாலிவுட் நடிகர் நவாசுதீன் சித்திக்கின் ரசிகர்கள் அனைவருக்கும் அவருடைய மகள் ஷோராவைப் பற்றி தெரிந்திருக்கும். ஆனால் யாரும் அவரை வெளியில் பார்த்திருக்க வாய்ப்பில்லை. தற்போதுதான் முதன்முறையாக ஷோரா சித்திக்கை ரசிகர்கள் பொதுவெளியில் கண்டுள்ளனர். அவருடைய புகைப்படம் இன்ஸ்டாகிராமில் வெளியாகி வைரலாகி வருகிறது.
மகளுடன் நவாசுதீன் சித்திக்
மும்பை விமான நிலையத்தில் அவர் தனது தந்தை நவாசுதீனுடன் அவர் காணப்பட்டார். அப்பா-மகள் இருவரையும் முதல்முறையாக பொதுவெளியில் பார்த்தவுடனே சுற்றி இருந்தவர்கள் புகைப்படம் எடுத்துள்ளனர். அந்த புகைப்படங்கள் வீடியோக்கள் சமூக வலைதளங்களில் வைரலாக தொடங்கியது. இன்ஸ்டக்ராமில் ஒருவர் பகிர்ந்த வீடியோவில், நவாசுதீனும் ஷோராவும் சாதாரண உடையில் விமான நிலையத்திலிருந்து வெளியேறுவதைக் காண முடிந்தது. அதில் நவாசுதீன் முழு கருப்பு நிற உடையில் காணப்பட்டார். கருப்பு பேண்டும், ஒரு கருப்பு ஹூடியையும் அணிந்திருந்தார். மறுபுறம், அவரது மகள் கருப்பு நிற டீ ஷர்டுக்கு மேட்ச்சிங்கான ஜீன்ஸ் அணிந்து, மேலே டெனிம் ஜாக்கெட்டும் அணிந்திருந்தார்.
கமெண்ட்ஸ்
வீடியோ வெளியானவுடன், ரசிகர்கள் ஹார்ட் எமோஜிகளுடன் கமெண்ட் செக்ஷனை நிறைத்தனர். பயனர்களில் ஒருவர், "அவர் மிகவும் அழகாக இருக்கிறார், முதல் முறையாக அவரைப் பார்க்கிறேன்" என்று ஒரு சிவப்பு இதய ஈமோஜியுடன் எழுதினார், பலர் அவர் மிகவும் அழகாக இருப்பதாக குறிப்பிட்டனர். அவரது தோற்றத்தைப் பற்றி யூகித்து, "அவர் ராதிகா ஆப்தேவைப் போலவே இருக்கிறார்" என்று ஒரு பயனர் எழுதினார்
பிறந்தநாள் வாழ்த்து பதிவு
சமீபத்தில், நவாசுதீன் சித்திக் அவரது மகளின் பிறந்தநாளுக்கு ஒரு அழகான மாண்டேஜைப் பகிர்ந்து வாழ்த்துக்களைத் தெரிவித்து இதயப்பூர்வமான குறிப்பை எழுதினார். இந்த கிளிப்பில் ஷோராவின் சிறுவயது நாட்களின் க்யூட்டான படங்கள் இடம்பெற்றிருந்தன, ஆனால் வளர்ந்த பிறகான புகைப்படங்கள் அதிலும் இடம்பெற்றிருக்கவில்லை. அந்த பதிவில், "ஹேப்பிஸ்ட் பர்த்டே மை லவ் ஷோரா சித்திக்" என்று எழுதியிருந்தார்.
நவாசுதீன் சித்திக்கின் மனைவி
நவாசுதீன் சித்திக் 2019 இல் ஆலியா சித்திக் என்பவரை மணந்தார். ஆலியாவின் மகளான ஷோரா அவருக்கு 2011 இல் பிறந்தார். இந்த தம்பதியருக்கு யானி என்ற மகனும் உள்ளார். இதற்கிடையில், நவாசுதீன் சித்திக் அடுத்ததாக இந்தியில் நடிக்கும் திரைப்படத்தை அக்ஷத் அஜய் சர்மா இயக்குகிறார். அவர் ஆதம்யா பல்லாவுடன் இணைந்து எழுதியுள்ள இந்த படத்தை அடுத்த ஆண்டு வெளியிடத் திட்டமிட்டுள்ளனர். டிக்கு வெட்ஸ் ஷெரு மற்றும் போலே சூடியா ஆகிய படங்களிலும் பணியாற்றி வருகிறார். நடிகர் சமீபத்தில் டைகர் ஷ்ராஃப் மற்றும் தாரா சுதாரியாவின் ஹீரோபந்தி 2-லும் நடித்திருந்தார்.