நானே வருவேன்:
இயக்குநர் செல்வராஜன் இயக்கத்தில் நடிகர் தனுஷ் நடிக்கும் சைக்கோ திரில்லர் திரைப்படம் 'நானே வருவேன்'.
இந்த திரைப்படம் வரும் 29 ஆம் நாள் வெளியாக இருக்கிறது.
இந்த திரைப்படத்தின் டீசர் இரண்டு நாட்களுக்கு முன் வெளியாகி ரசிகர்களிடையே பெரும் வரவேற்பைப் பெற்றது. படத்தின் டிரைலர் விரைவில் வெளியாகும் என்று அனைவரும் ஆவலாக உள்ள நிலையில், இந்த படத்தின் சென்சார் மற்றும் படத்தின் மொத்த நேரம் குறித்த சில எக்ஸ்க்ளூசிவ் தகவல்கள் வெளியாகி இருக்கின்றன.
நானே வருவேன் திரைப்படம் இங்கு வெளியாக இருக்கும் அதே நாளில் அமெரிக்காவிலும் வெளியாக இருக்கிறது. அமெரிக்காவில் இந்த திரைப்படத்திற்கான புக்கிங் தொடங்கிவிட்ட நிலையில், அதில் படத்தின் சென்சார் மற்றும் மொத்த நேரம் குறித்த தகவல்கள் வெளியாகி உள்ளது.செல்வராகவனின் சைக்கோ த்ரில்லர் திரைப்படமான நானே வருவேன் திரைப்படத்திற்கு U/A சென்சார் வழங்கப்பட்டுள்ளது. மேலும் படத்தின் மொத்த நேரம் இரண்டு மணி நேரம் மற்றும் 15 நிமிடங்கள் ஆகும்.
பொன்னியின் செல்வன்:
கல்கியின் ’பொன்னியின் செல்வன்’ நாவலைத் தழுவி அதே பெயரில் பொன்னியின் செல்வன் என்ற படம் இரண்டு பாகங்களாக எடுக்கப்பட்டுள்ளது. மணிரத்னம் இயக்கியுள்ள இப்படத்தில் விக்ரம், கார்த்தி, ஜெயம் ரவி, த்ரிஷா, ஐஸ்வர்யா ராய், சரத்குமார், ஜெயராம், சரத்குமார், ஐஸ்வர்யா லட்சுமி, விக்ரம் பிரபு உள்ளிட்ட மிகப்பெரிய நட்சத்திரப் பட்டாளமே நடித்துள்ளது. ஏ.ஆர்.ரஹ்மான் இப்படத்துக்கு இசையமைத்துள்ளார். ரவி வர்மன் ஒளிப்பதிவு செய்துள்ளார். இந்த திரைப்படம் தமிழகத்தில் செப்டம்பர் 30ஆம் நாள் வெளியாக இருக்கிறது. அனைவரும் பெரிதும் எதிர்பார்த்து காத்திருக்கும் பொன்னியின் செல்வன் திரைப்படம் அமெரிக்காவில் 29 ஆம் நாள் வெளியாக உள்ளது.
ஒரே நாளில் ரிலீஸா ?
அமெரிக்காவில் நானே வருவேன் மற்றும் பொன்னியின் செல்வன் ஆகிய இரண்டு திரைப்படங்களும் ஒரே நாளில் வெளியாக உள்ளன. பொன்னியின் செல்வன் திரைப்படத்திற்கு போட்டியாக நானே வருவேன் திரைப்படம் வெளியாகிறது. இதனால் நானே வருவேன் திரைப்படத்தின் வெற்றி எதுவும் பாதிக்கப்படுமா என்ற கேள்வியும் ரசிகர்களிடையே எழுந்துள்ளது.
தமிழ்நாட்டில் இதுவரை நானே வருவன் படத்திற்கான ரிலீஸ் தேதி அறிவிக்கப்படாத நிலையில், அமெரிக்காவில் தொடங்கியுள்ள முன்பதிவை வைத்து, அறிவிக்கும் முன்பே அதிகாரப்பூர்வ அறிவிப்பு வெளியாகியுள்ளது.