வி கிரியேஷன்ஸ் நிறுவனத்தின் சார்பில் கலைப்புலி.எஸ். தாணு தயாரிப்பில் வெளியாக தயாராகவுள்ள " நானே வருவேன்" திரைப்படம் குறித்த அப்டேட்கள் அவ்வப்போது வெளியாகி ரசிகர்களை சந்தோஷப்படுத்தி வருகிறது. அந்த வகையில் தற்போது ஆந்திரா மாநிலத்தில் இப்படத்தின் தெலுங்கு உரிமையை கைப்பற்றிய தகவல் ஒன்று வெளியாகியுள்ளது.
மீண்டும் இணைந்துள்ள மேஜிக்கல் கூட்டணி:
இயக்கநர் செல்வராகவன் இயக்கத்தில் நடிகர் தனுஷ் நடிப்பில் கிட்டத்தட்ட 10 ஆண்டுகளுக்கு பிறகு வெளியாகும் திரைப்படம் இது. இதற்கு முன்னர் இவர் கூட்டணியில் வெளியான துள்ளுவதோ இளமை, காதல் கொண்டேன், புதுப்பேட்டை, மயக்கம் படங்களை தொடர்ந்து ஐந்தாவது முறையாக "நானே வருவேன்" திரைப்படம் மூலம் மீண்டும் இணைந்துள்ளார்கள். இவர்கள் கூட்டணியை மேலும் மேஜிக்கலாக மாற்ற மற்றுமொரு வெற்றி கூட்டணியாக யுவன் ஷங்கர் ராஜா இப்படத்திற்கு இசையமைத்துள்ளார். இந்த வெற்றி கூட்டணி காதல் கொண்டேன் திரைப்படத்திற்கு பிறகு நீண்ட இடைவெளிக்கு பிறகு இந்த படம் மூல மீண்டும் இணைகிறார்கள்.
ஆந்திராவில் "நேனே வஸ்துன்னா":
நடிகர் தனுஷ் இரட்டை வேடத்தில் நடித்துள்ள "நானே வருவேன்" படத்தின் டீசர் செப்டம்பர் 15ம் தேதி வெளியாகும் என அறிவித்த படக்குழுவினர் தற்போது மேலும் ஒரு புதிய தகவலை வெளியிட்டுள்ளார். இப்படத்தின் தெலுங்கு உரிமையை கீதா ஆர்ட்ஸ் தயாரிப்பு நிறுவனம் சார்பில் திரு. அல்லு அரவிந்த் கைப்பற்றியுள்ளார். ஆந்திரா மாநிலம் முழுவதிலும் இப்படம் "நேனே வஸ்துன்னா" என்ற பெயரில் வெளியிடப்படவுள்ளது.
ரசிகர்களின் ஆர்வம்:
இப்படத்தில் தனுஷ் ஜோடியாக இந்துஜா மற்றும் எல்லி அவ்ரராம் நடித்துள்ளனர். மேலும் இயக்குனர் செல்வராகவன் முதல்முறையாக இப்படத்தில் நடித்துள்ளார். இவர்களுடன் பிரபு, யோகி பாபு, ஷெல்லி கிஷோர் உள்ளிட்டோர் நடித்துள்ளனர். நடிகர் தனுஷ் நடிப்பில் சமீபத்தில் வெளியான "திருச்சிற்றம்பலம்" படத்தின் மகத்தான வெற்றிக்கு பிறகு இப்படம் வெளியாவதால் தனுஷ் ரசிகர்கள் மத்தியில் கடும் எதிர்பார்ப்பு உள்ளது. நானே வருவேன் படத்தின் பின்னணி இசை பணிகள் மிகவும் மும்மரமாக நடைபெற்று வருகிறது. இப்படம் செப்டம்பர் 29ம் தேதி திரையரங்குகளில் வெளியாகும் என அறிவித்துள்ளனர் படக்குழுவினர்.