தமிழ் திரையுலகின் முன்னணி இசையமைப்பாளராக வலம் வருபவர் டி.இமான். ரஜினி, அஜித், விஜய் என, சிவகார்த்திகேயன் என அனைத்து முன்னணி நடிகர்களின் திரைப்படங்களுக்கும் இசையமைத்துள்ளார். இமானின் இசைக்கென்று தனி ரசிகர்கள் பட்டாளமே உள்ளது.
இமான் கடந்த 2008ம் ஆண்டு மோனிகா ரிச்சர்ட் என்பவரை திருமணம் செய்துகொண்டார். இரு குழந்தைகளுக்கு பெற்றோர்களான இந்த தம்பதியினர் கடந்தாண்டு இறுதியில் விவகாரத்து செய்தனர். 13 ஆண்டுகள் இணைந்து வாழ்ந்த இமான் மற்றும் மோனிகா ரிச்சர்ட் தம்பதியினர் விவகாரத்து அப்போது திரை பிரபலங்கள் இடையே அதிர்ச்சியை ஏற்படுத்தியது.
இந்த நிலையில், இமான் விரைவில் இரண்டாவது திருமணம் செய்ய உள்ளதாக தகவல்கள் வெளியாகியுள்ளது. அவர் சென்னையைச் சேர்ந்த ஒரு பெண்ணுடன் பழகி வருவதாகவும், இருவரும் வெளியிடங்களுக்கு ஒன்றாக சென்று வருவதாகவும் தகவல்கள் வெளியாகியுள்ளது. விரைவில் இமானின் இரண்டாவது திருமண அறிவிப்பு வெளியாகும் என்று எதிர்பார்க்கப்படுகிறது.
தமிழ் திரையுலகின் முன்னணி இசையமைப்பாளரான இமான் தமிழ் மட்டுமின்றி தெலுங்கு, கன்னடம் மற்றும் மலையாளம் ஆகிய மொழிப்படங்களுக்கும் இசையமைத்துள்ளார். அவரது இசையில் இதுவரை 100க்கும் மேற்பட்ட படங்கள் வெளியாகியுள்ளது. அஜித் நடிப்பில் வெளியாகி பிரம்மாண்ட வெற்றி பெற்ற விஸ்வாசம், ரஜினிகாந்த் நடிப்பில் வெளியாகிய அண்ணாத்த ஆகிய படங்களுக்கு இமான்தான் இசையமைத்திருந்தார்.
இதுமட்டுமின்றி இவரது இசையில் விரைவில் நடிகர் சூர்யா நடிப்பில் எதற்கும் துணிந்தவன் படம் வெளியாக உள்ளது. மேலும், இவரது இசையில் கேப்டன், யுத்தசத்தம், பொய்க்கால் குதிரை, மை டியர் பூதம் ஆகிய படங்கள் உருவாகி வருகிறது. இசையமைப்பாளராக மட்டுமின்றி பாடகராகவும் இமான் ஏராளமான பாடல்களை பாடியுள்ளார். விஸ்வாசம் படத்திற்காக சிறந்த இசையமைப்பாளருக்கான தேசிய விருதையும் வென்றுள்ளார். இமானுக்கு இரண்டாவது திருமணம் என்ற தகவல் சமூக வலைதளங்களில் வைரலாக பரவி வருகிறது. தகவல் உண்மை என்றால் அவருக்கு வாழ்த்துகள் என ரசிகர்கள் பதிவிட்டுள்ளனர்
மேலும் படிக்க : Thalapathy 67: விஜயின் 67 ஆவது படத்தை இயக்கப்போவது யார்? .. வெளியானது தகவல்.. ட்ரெண்டிங்கில் பிரபல இயக்குநர்.!
மேலும் படிக்க : Anju kurian Watch Video: கல்யாண வீட்டை கலகலக்க வைத்த அஞ்சு குரியன்! 'ஹே சாமி' ஆட்டத்தால் ஆடிப்போன கூட்டம்!!
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்