சுகுமார் இயக்கத்தில், அல்லு அர்ஜுன் நடிப்பில் வெளியான படம் 'புஷ்பா'. இப்படத்தில் அல்லு அர்ஜுனுக்கு ஜோடியாக ராஷ்மிகா மந்தனா நடிக்க, ஃபகத் பாசில் காவல் அதிகாரியாக நடித்திருந்தார். இப்படம் தமிழ், தெலுங்கு, மலையாளம், கன்னடம், மற்றும் இந்தி ஆகிய மொழிகளில் வெளியான இந்தப்படம் கலவையான விமர்சனங்களை பெற்றது.
குறிப்பாக இந்தப் படத்தில் ‘ஓ சொல்றியா பாடலுக்கு சமந்தா ஆடிய குத்தாட்டாம், ரசிகர்கள் மத்தியில் ஏகோபித்த வரவேற்பை பெற்றது. அதைபோல ராஷ்மிகா மந்தனா ஆடிய ‘சாமி சாமி’ பாடலும் வைரலானது. இந்தப்படத்தில் இடம் பெற்ற வசனங்களும் பாடல்களும் மிகவும் பிரபலம் அடைந்த நிலையில், பலரும் அந்த பாடலில் நடனமாடுவது போல நடனமாடியும், வசனங்களையும் பேசியும் வீடியோக்களை வெளியிட்டனர்.
இதில் சுரேஷ் ரெய்னா, வார்னர் மட்டுமல்லாது பல சினிமா பிரபலங்கள் பலரும் அடக்கம். இந்த நிலையில் ‘சாமி சாமி’ பாடலுக்கு ‘பிரேமம்’ ' நேரம்’ ‘ சில நேரங்களில் சில மனிதர்கள்’ உள்ளிட்ட படங்களில் நடித்து பிரபலமான, நடிகை அஞ்சு குரியன் நடனமாடியுள்ளார். இந்த வீடியோ தற்போது சமூகவலைதளங்களில் வைரலாகி வருகிறது.