தென்னிந்திய சினிமாவில் மல்டி ஸ்டாரர் கிளிக்ஸ் என்றுமே இணையத்தில் வைரலாகும். அதுவும் அவர்கள் ஒரே ஃப்ரேமில் இருந்தால் சொல்லவே தேவை இல்லை. ரஜினிகாந்த் முதல் கமல்ஹாசன் வரை அல்லது இன்றைய ஹார்ட் த்ரோப் யஷ் முதல் பிரபாஸ் வரை அனைவரின் புகைப்படங்களும் புயலை போல நிமிடங்களில் பகிரப்படும்.
தென்னிந்திய நடிகர்களுக்கு அறிமுகமே தேவையில்லை எனும் அளவிற்கு பிரபலமானவர்கள். ஆன்-ஸ்கிரீனில் இருப்பதை காட்டிலும் ஆஃப்-ஸ்கிரீனில் இந்த மல்டி ஸ்டாரர்கள் ஒன்றாக எடுக்கும் புகைப்படங்களை ரசிகர்கள் பெரிதும் விரும்புவர். சமீபத்தில் தமிழ் சினிமாவின் முன்னணி நடிகர் சூர்யா மற்றும் யஷ் எடுத்துக் கொண்ட புகைப்படமும் சலார் படத்தின் வெளியீட்டு விழாவில் நடிகர் யஷ் மற்றும் சாலார் நடிகர் பிரபாஸ் மற்றும் இயக்குநர் பிரஷாந்த் நீல் எடுத்துக்கொண்ட புகைப்படமும் இணையத்தில் காட்டுத்தீ போல பரவியது.
ரஜினிகாந்த் - கமல்ஹாசன் :
நமது தமிழ் சினிமா ரசிகர்களின் மிகவும் ஃபேவரட் ஜோடிகளான சூப்பர் ஸ்டார் ரஜினிகாந்த் மற்றும் உலகநாயகன் கமல்ஹாசன் இருவரையும் ஒரே ஃப்ரேமில் காண்பது ரசிகர்களின் கண்களுக்கு என்றுமே ஒரு பெரிய விருந்தாகவே இருக்கும். இவர்கள் இருவரும் சுமார் 40 ஆண்டுகால நண்பர்கள். எந்த ஒரு பொறாமையும் இல்லாத இந்த நண்பர்கள் 1975ம் ஆண்டு வெளியான அபூர்வ ராகங்கள் திரைப்படம் தொடங்கி இதுவரையில் 16 படங்களில் நடித்துள்ளனர். இப்படம் இருவரின் திரை வாழ்விலும் ஒரு திருப்புமுனையாக அமைந்தது என்பது குறிப்பிடத்தக்கது.
டோலிவுட் ஸ்டார்ஸ் எடுத்துக்கொண்ட கிளிக் :
டோலிவுட் ஸ்டார்கள் அனைவரையும் ஒரே நேரத்தில் ஒரே ஃப்ரேமில் பார்ப்பது கண்களுக்கு எத்தனை குளிர்ச்சி அளிக்கும் என்பதை வார்த்தைகளால் சொல்ல முடியாது. அப்படி ஒரு தருணம் தான் 2019ம் ஆண்டு பிரமாண்ட இயக்குனர் எஸ்.எஸ். ராஜமௌலியின் மகன் திருமண விழாவில் எடுத்துக்கொண்ட கேண்டிட் புகைப்படம். ராம் சரண், பிரபாஸ், ராணா டகுபடி, ஜூனியர் என்.டி.ஆர் என அனைவரும் ஒரே ஃப்ரேமில் எடுத்துக்கொண்ட புகைப்படம் ஒரு ஸ்வீட் மெமரி.