2021ம் ஆண்டுக்கான பிரபஞ்ச அழகியாகத் தேர்ந்தெடுக்கப்பட்ட ஹர்னாஸ் சந்து தனக்கு செலியாக் என்னும் ஒருவகை நோய் பாதிப்பு இருப்பதாகச் சமூக வலைத்தளங்களில் பகிர்ந்துள்ளார். பத்திரிகையாளர் சந்திப்பில் பேசிய அவர்,’முதலில் நான் ஒல்லியாக இருப்பதாகச் சொன்னார்கள். தற்போது நான் குண்டாக இருப்பதாகச் சொல்கிறார்கள். எனக்கு செலியாக் நோய் பாதிப்பு இருப்பது பலருக்குத் தெரியாது. அதனால் என்னால் கோதுமையைக் கூடச் சாப்பிட முடியாது’ என அவர் தனது பேட்டியில் குறிப்பிட்டுள்ளார்.
செலியாக் என்னும் நோய் எதிர்ப்பு சத்து தொடர்பான நோய் உடலில் க்ளூட்டன் ஒவ்வாமையை ஏற்படுத்தும்.அதனால் அந்த நபர் வாழ்நாள் முழுவதும் க்ளூட்டன் இல்லாத உணவையே உட்கொள்ள வேண்டி இருக்கும்.
பிறகு ஹிஜாப் சர்ச்சை குறித்தும் பேசிய அவர், ‘அவரவர்க்கு தான் என்ன உடுத்த வேண்டும் என்பதைத் தேர்வு செய்ய உரிமை உண்டு’ எனக் கூறினார்.