அறிமுக இயக்குனர் எம்.சக்திவேல் இயக்கத்தில் மிரள வைக்கும் ஹாரர் திரில்லர் திரைப்படமான "மிரள்" எப்போது திரையரங்குகளில் வெளியாகும் என்பது குறித்தான அறிவிப்பு வெளியாகி உள்ளது.
பார்வையாளர்களை மிரள வைக்கும் ஒரு த்ரில்லர் திரைப்படத்தின் மூலம் இயக்குனராக அறிமுகமாகியுள்ளார் எம்.சக்திவேல். நடிகர் பரத் மற்றும் நடிகை வாணி போஜன் நடிப்பில் உருவாகியுள்ள ஒரு மிரட்டலான திரைப்படம் "மிரள்". இப்படத்தின் ரிலீஸ் தேதியை தற்போது வெளியிட்டுள்ளனர் படக்குழுவினர்.
நவம்பர் மாதம் ரிலீசாகும் "மிரள்" :
ஆக்ஸஸ் பிலிம் பேக்டரி பேனர் சார்பில் ஜி.டில்லி பாபு இப்படத்தை தயாரிக்க சக்தி பிலிம் பேக்டரி படத்தினை திரையரங்குகளில் வெளியிடும் உரிமையை கைப்பற்றியுள்ளது. இயக்குனர் கே.எஸ்.ரவிக்குமார், மீரா கிருஷ்ணன், காவ்யா அறிவுமணி, ராஜ்குமார் உள்ளிட்டோர் முக்கியக் கதாபாத்திரத்தில் நடித்துள்ள இப்படத்திற்கு இசையமைத்துள்ளார் பிரசாத். இந்த ஹாரர் த்ரில்லர் படத்தின் டீசர் வெளியாகி ரசிகர்களை மிரள வைத்துள்ளது. ரசிகர்கள் மத்தியில் வரவேற்பை பெற்றுள்ள "மிரள்" திரைப்படம் நவம்பர் மாதம் 11ம் தேதி திரையரங்குகளில் வெளியாக உள்ளது என்பதை தெரிவித்துள்ளனர் படக்குழுவினர்.
படத்தின் ஒன் லைன் ஸ்டோரி :
மலை கிராமம், விண்டு மில், நெல் வயல் என மிக அழகான பின்னணியில் இப்படம் முழுவதும் படமாக்கப்பட்டுள்ளது. தென்காசி, அம்பாசமுத்திரம், சென்னை உள்ளிட்ட பகுதிகளில் படப்பிடிப்பு நடைபெற்றுள்ளது. நடிகர் பரத் ஒரு என்ஜினீயராகவும் அவரது மனைவியாக வாணி போஜனும் நடித்துள்ளனர். இந்த தம்பதி முதல் முறையாக அவர்கள் குழந்தையை சொந்த கிராமத்திற்கு அழைத்து சென்ற இடத்தில் தான் திகிலான சம்பவங்கள் நடைபெறுகிறது. இது தான் படத்தின் ஒன் லைன் ஸ்டோரி.
விஜய் சேதுபதி வெளியிட்ட டீசர் :
ஹாரர் திரில்லர் படமான "மிரள்" படத்தின் டீசரை வெளியிட்டு இருந்தார் நடிகர் விஜய் சேதுபதி. என்னதான் ரொமான்ஸ், ஆக்ஷன் , அதிரடி, காமெடி படங்கள் வெளியானாலும் த்ரில்லர் மற்றும் திகில் படங்களுக்கு என்றுமே மவுசு குறையாது. பயம் இருந்தாலும் சிறியவர்கள் வரை பெரியவர்கள் வரை திகில் படங்களை அதிகம் விரும்புவார்கள். அந்த வகையில் இப்படம் ஒரு நல்ல எண்டர்டெயின்மெண்ட் திரைப்படமாக ரசிகர்களை கவரும் என்ற எதிர்பார்ப்பு படக்குழுவினர் மத்தியில் உள்ளது.