பிரபல தொகுப்பாளினியான மணிமேகலை புதிய பைக் ஒன்றை வாங்கி இருக்கிறார்.
இது தொடர்பாக அவர் இன்ஸ்டாகிராம் பக்கத்தில் பதிவிட்ட பதிவில், “கணவர் காதர் ஹுசைன் பர்த்டே கிஃப்ட்டுக்கான டாஸ்க் முடிந்துவிட்டது என்று பதிவிட்ட மணிமேகலை அவரும் கணவரும் பி.எம்.டபுள்.யூ பைக் வாங்கிய வீடியோவை பதிவிட்டு இருக்கிறார்.
முன்னதாக, அசோக் நகரில் உள்ள தனது நண்பர் வீட்டருகில் நிறுத்திவைத்திருந்த தங்களது பைக்கை திருடர்கள் திருடிவிட்டார்கள் என்றும் இது தொடர்பாக போலீசில் புகார் அளித்திருப்பதாகவும் இன்ஸ்டாகிராம் பக்கத்தில் நடிகை மணிமேகலை தெரிவித்து இருந்தார். மேலும் அது தொடர்பான சிசிடிவி வீடியோவையும் அவர் வெளியிட்டு இருந்தார்.
மணிமேகலையை நமக்கெல்லாம் சன்டிவி வாயிலாகத் தான் தெரியும். சன் மியூஸிக்கில் பிரபல தொகுப்பாளினியாக வலம் வந்த அவர் தனது காதலாரன ஹுசைனை வீட்டை எதிர்த்து திருமணம் செய்து கொண்டார். அவர்களின் காதல் திருமணம் ஊடகங்களின் முக்கியச் செய்தியாகக்கூட இடம் பெற்றது. திருமணத்திற்குப் பின்னர் மணிமேகலை விஜய் டிவிக்கு மாறினார்.
வந்தாரை வாழவைக்கும் விஜய் டிவி மிஸ்டர், அண்ட் மிஸஸ் சின்னத்திரை, குக் வித் கோமாளி என பல நிகழ்ச்சிக்களில் மணிமேகலைக்கு முக்கியத்துவம் கொடுத்தது. குக் வித் கோமாளி நிகழ்ச்சியில் கோமாளியாக இவர் செய்த நகைச்சுவை ரசிகர்களிடம் வரவேற்பையும் பெற்றது. சீசன் 2வும் எதிர் பார்த்ததை விட பெரிய ஹிட் ஆனது. அதனைத்தொடர்ந்து வந்த சீசன் 3 யிலும் மணிமேகலைக்கு வாய்ப்பு கொடுக்கப்பட்ட நிலையில், அதிலும் கலக்கிக்கொண்டிருக்கிறார்.