சென்னையில் மூர் மார்கெட்டில் கடை வைத்திருக்கும் நடுத்தர வயது நபர் ரமேஷ், பிரபுதேவா போல் ஸ்டைலிஷாக நடனமாடும் வீடியோ இணையத்தில் வரவேற்பைப் பெற்றுள்ளது.
1993-ஆம் ஆண்டு ஷங்கர் இயக்கத்தில் வெளியான ஜெண்டில் மேன் படத்துக்காக ஏ.ஆர்.ரஹ்மான் இசையமைத்து பிரபுதேவா, கௌதமி நடனத்தில் வெளியாகி பெரும் வரவேற்பைப் பெற்ற பாடல் ’சிக்கு புக்கு ரயிலு’.
இப்பாடலுக்கு முன்னதாக ரமேஷ் ஸ்டைலிஷாக பிரபுதேவாவின் முத்திரையுடன் நடனமாடும் வீடியோ தற்போது இணையத்தில் ஹிட் அடித்துள்ளது.
இன்ஸ்டாகிராமில் பகிரப்பட்டுள்ள இந்த வீடியோ, லட்சக்கணக்கான பார்வையாளர்களைப் பெற்று வரவேற்பைப் பெற்றுள்ளது.
மேலும், பிரபல தெலுங்கு நடிகர் ரச்சா ரவி, கிரிக்கெட் வீரர் சஞ்சு சாம்சன் உள்ளிட்ட பிரபலங்களும் இந்த வீடியோவுக்கு லைக்கிட்டுள்ளனர்.
49 வயதாகும் நடிகர், நடனப் பயிற்சியாளர், இயக்குநர் பிரபுதேவாவுக்கு தமிழ்நாடு தாண்டி இந்தியா முழுவதும் ரசிகர்கள் உள்ளனர். தமிழ் மட்டுமல்லாமல் இந்தியிலும் இப்பாடல் வெளியான காலக்கட்டத்திலேயே ஹிட் அடித்த நிலையில், இந்த வீடியோவும் தற்போது தமிழ்நாடு தாண்டி ஹிட் அடித்துள்ளது.
ரமேஷின் ஸ்டைலுக்கு பலரும் ரசிகர்களாக உள்ளனர்
மேலும் படிக்க: The Warrior Review: லிங்குசாமியின் ‘தி வாரியர்...’ - புல்லட் பாஞ்சதா? பஞ்சர் ஆனதா? - நறுக் விமர்சனம் இங்கே...!
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்