Super Star House: சூப்பர் ஸ்டார் வீட்டில் தங்க ரசிகர்களுக்கு பொன்னான வாய்ப்பு... ஆனா ஒருநாள் வாடகை எவ்வளவு தெரியுமா?
மலையாள சூப்பர் ஸ்டார் மம்முட்டி வாழ்ந்த பழைய வீடு தற்போது ஆடம்பர விடுதியாக மாற்றப்பட்டுள்ளது.
மம்முட்டி:
தமிழ் சினிமாவிற்கு எப்படி சூப்பர் ஸ்டார் ரஜினிகாந்தோ, அதேபோல் மலையாள சினிமாவின் சூப்பர் ஸ்டாராக வலம் வருபவர் மம்முட்டி. இவருக்கு ஒட்டுமொத்த இந்தியாவிலும் ஏராளமான ரசிகர்கள் உள்ளனர். அப்படிப்பட்ட ரசிகர்களுக்கு நடிகர் மம்முட்டியின் வீட்டில் ஒன்று அல்லது இரண்டு நாட்கள் செலவிடக்கூடிய அரிய வாய்ப்பு கிடைத்துள்ளது. பிரபல மலையாள நடிகர் மம்முட்டி பல ஆண்டுகளாக கொச்சியில் உள்ள பனம்பிள்ளி நகரின் கே.சி. ஜோசப் சாலையில் வசித்து வந்தார். இந்தப் பகுதி பல பிரபல நடிகர்களைக் கொண்ட இடமாகும். இருப்பினும், மம்முட்டி இப்போது எர்ணாகுளத்திற்கு குடிபெயர்ந்துள்ளார்.
Just In
பனம்பிள்ளி நகரில் உள்ள அவரது தனித்துவமான பங்களாவின் முன் ரசிகர்கள் அடிக்கடி புகைப்படம் எடுத்துக்கொள்கிறார்கள். இப்போது, இந்த பங்களா ரசிகர்கள் மற்றும் சுற்றுலாப் பயணிகளுக்கான தங்குமிடமாக மாற்றப்பட்டுள்ளது. கொச்சியின் பனம்பிள்ளி நகரில் உள்ள கொச்சியின் கே.சி. ஜோசப் சாலையில் உள்ள 'மம்மூட்டி ஹவுஸ்' இல்லத்தை விகேஷன் எக்ஸ்பீரியன்ஸ் என்ற நிறுவனம் சுற்றுலா பயணிகளுக்கான நட்சத்திர விடுதியாக மாற்றியுள்ளது.
வாடகை 75,000 ஆயிரம்:
பங்களாவில் நான்கு படுக்கையறைகள் உள்ளன. பிரைவேட் தியேட்டர், கேலரி உள்ளிட்ட இடங்களை பர்வையிடலாம். மேலும் ஒரு நாள் தங்குவதற்கான வாடகை 75,000 ஆயிரம் ரூபாயாகும். மொபைல் முன்பதிவுகள் மூலம் மட்டுமே முன்பதிவு செய்ய முடியும். பல ரசிகர்கள் மம்முட்டியைப் பார்க்க ஆர்வமாக தங்கள் தங்குமிடங்களை முன்பதிவு செய்கிறார்கள். ஏப்ரல் 1-ம் தேதி முதல் இங்கு வசிக்கும் வகையில் ஏற்பாடுகள் செய்யப்பட்டுள்ளன. மதியம் 2 மணிக்கு செக் இன் செய்தால் மறுநாள் காலை 11 மணிவரை வசித்துக்கொள்ளலாம்.