பிரபல நடிகர் மம்மூட்டியின் தாயார் ஃபாத்திமா இஸ்மாயில் உடல்நலக்குறைவால் உயிரிழந்தார். அவருக்கு வயது 93. மலையாள சினிமா என்றதும் நமது நியாபகத்துக்கு வரும் இரண்டு பெயர்கள் மம்மூட்டி,
மோகன்லால்.
மலையாள சினிமாவின் உச்ச நட்சத்திரம்
மலையாள சினிமா உலகில் உச்ச நட்சத்திரங்களுள் ஒருவராக வலம் நடிகர் மம்மூட்டி. 1971 ஆம் ஆண்டு அனுபவங்கள் பாலிச்சகல் எனும் மலையாளத் திரைப்படம் மூலம் சினிமாவில் அறிமுகமானார்.
மம்மூட்டி கடந்த 50 ஆண்டுகளுக்கும் மேலாக மலையாள சினிமா உலகில் டாப் ஸ்டாராக கோலோச்சி வருகிறார்.
மம்மூட்டியின் மகன் துல்கர் சல்மானும் மலையாளம், தமிழ், தெலுங்கு, இந்தி என பல மொழிகளில் கோலோச்சி வருகிறார். இந்நிலையில், மம்மூட்டியின் தாயார் ஃபாத்திமா இஸ்மாயில் இன்று வயது மூப்பு காரணமாக உயிரிழந்தார்.
ஆறுதல் தெரிவிக்கும் திரையுலகம்
உடல்நலக்குறைவால் ஏற்கனவே ஃபாத்திமா இஸ்மாயில் அவதிப்பட்டு வந்த நிலையில், இன்று அவர் உயிரிழந்தார். இந்நிலையில் இன்று மாலை 4 மணிக்கு செம்பு ஜூம்மா மஸ்ஜித் கப்ரிஸ்தானில் அவரது இறுதிச்சடங்கு நடைபெற உள்ளது.
நாளை உலகம் முழுவதும் புனித ரமலான் பண்டிகை கொண்டாடப்பட உள்ள நிலையில் , இஸ்லாமியரான மம்மூட்டியின் தாயார் இன்று உயிரிழந்தது அவரது குடும்பத்தார் மத்தியில் பெரும் சோகத்தை ஏற்படுத்தியுள்ளது.
மேலும் மம்மூட்டியின் தாயார் இறப்புக்கு மலையாளத் திரையுலகினர், சினிமா நட்சத்திரங்கள், அரசியல் தலைவர்கள் எனப் பலரும் வருத்தம் தெரிவித்து வருகின்றனர்.
சசி தரூர் ட்வீட்
முன்னதாக காங்கிரஸ் தலைவரும் திருவனந்தபுரம் எம்பியுமான சசி தரூர் மம்மூட்டிக்கு ஃபோன் செய்து வருத்தம் தெரிவித்ததாகவும், அவரது குடும்பத்துக்கு ஆறுதல் தெரிவித்தும் தன் ட்விட்டர் பக்கத்தில் பதிவிட்டுள்ளார்.
இந்நிலையில் மலையாள சினிமா ரசிகர்கள் தொடர்ந்து தங்கள் இணைய பக்கங்களில் மம்முட்டிக்கு வருத்தம் தெரிவித்து வருகின்றனர். இறுதியாக மம்மூட்டி நடிப்பில் லிஜோ ஜோஸ் இயக்கத்தில், வெளியான நண்பகல் நேரத்து மயக்கம் நல்ல விமர்சனங்களைப் பெற்று கவனம் ஈர்த்தது.
மலையாளம் தாண்டி தமிழ், தெலுங்கு, கன்னடம், இந்தி, ஆங்கிலம் என மம்மூட்டி 400 க்கும் மேற்பட்ட திரைப்படங்களில் நடித்துள்ளார். மலையாள சினிமா போலவே தமிழ் சினிமா ரசிகர்களாலும் தொடர்ந்து ரசிக்கப்பட்டு கொண்டாடப்பட்டு வரும் மம்மூட்டி, அழகன், தளபதி, மக்கள் ஆட்சி, ஆனந்தம், கண்டுகொண்டேன் கண்டுகொண்டேன், பேரன்பு உள்ளிட்ட பல நேரடி தமிழ் படங்களில் நடித்துள்ளார்.
அடுத்ததாக தெலுங்கில் நாகார்ஜூன் மகன் அகில் உடன் மம்மூட்டி நடித்துள்ள ஏஜெண்ட் படம் விரைவில் வெளியாக உள்ளது குறிப்பிடத்தக்கது.
மேலும் படிக்க: Leo Audio Launch: லியோ இசை வெளியீட்டு விழா சென்னையில் இல்லை: சர்ப்ரைஸ் கொடுக்க தயாராகும் விஜய்: எந்த ஊர் தெரியுமா?