சிம்பு நடிப்பில் வெங்கட் பிரபு இயக்கியிருக்கும் படம் மாநாடு. சுரேஷ் காமாட்சி தயாரித்திருக்கும் இப்படம் தீபாவளிக்கு வெளியாகும் என அறிவிக்கப்பட்டு பின்னர் 25ஆம் தேதி ரிலீஸ் ஆகுமென அறிவிக்கப்பட்டது.
படத்தின் பாடல்களும், ட்ரெய்லரும், ஸ்னீக் பீக்கும் ரசிகர்களிடையே வைரலானது. இதற்கிடையே மாநாடு பாடல் வெளியீட்டு விழாவில் பேசிய சிம்பு எனக்கு நிறைய பிரச்சனைகள் கொடுக்கிறார்கள். பிரச்சனைகளை நான் பார்த்துக்கொள்கிறேன் என்னை நீங்கள் பார்த்துக்கொள்ளுங்கள் என உருக்கமாக வேண்டுகோள் வைத்திருந்தார்.
இப்படிப்பட்ட சூழலில், திரையரங்குகள், மார்க்கெட், பள்ளிகள், கல்லூரிகள் உள்ளிட்ட பொது இடங்களுக்குள் நுழைய கொரோனா தடுப்பூசி செலுத்திக்கொண்டதற்கான சான்றிதழ் இருந்தால் மட்டுமே அனுமதி என்ற புதிய விதிமுறையைத் தமிழ்நாடு சுகாதாரத் துறை சமீபத்தில் அமல்படுத்தியது. தமிழ்நாடு அரசின் இந்த அறிவிப்புக்கு மாநாடு திரைப்பட தயாரிப்பாளர் சுரேஷ் காமாட்சி எதிர்ப்பு தெரிவித்தார்.
இந்தச் சூழலில் சுரேஷ் காமாட்சி தனது ட்விட்டர் பக்கத்தில், நிறைய கனவுகளோடு படைக்கப்பட்ட ஓர் படைப்பு. இதின் பிரசவத்தை எதிர்நோக்கிக் காத்திருந்தேன்
தவிர்க்க இயவாத காரணங்களால் மாநாடு வெளியீடு தள்ளி வைக்கப்படுகிறது என்பதை மிகுந்த வலியோடு தெரிவித்துக்கொள்கிறேன்.
வெளியாகும் தேதி பின்னர் அறிவிக்கிறேன் ஏற்பட்ட சிரமங்களுக்கு வருந்துகிறேன்” என பதிவிட்டார்.
இந்நிலையில், தங்கமீன்கள், குற்றம் கடிதல் உள்ளிட்ட படங்களின் தயாரிப்பாளர் சதீஷ்குமார் மாநாடு படம் வெளியாவது உறுதி செய்யப்பட்டுள்ளது என தனது ட்விட்டர் பக்கத்தில் தெரிவித்துள்ளார்.
அதேசமயம் மாநாடு இயக்குநர் வெங்கட் பிரபு தனது ட்விட்டர் பக்கத்தில் , “கடவுள் இருக்கார்” என பதிவிட்டுள்ளார். அதனை ரீட்வீட் செய்திருக்கும் படத்தின் கதாநாயகி கல்யாணி ப்ரியதர்ஷன், “கடவுள் வாழ்க்கையை எளிதாக்க மாட்டார் ஆனால் அவர் வாழ்க்கையை மதிப்புள்ளதாக மாற்றுவார்” என குறிப்பிட்டுள்ளார்.
மேலும் வெங்கட் பிரபு மற்றொரு ட்வீட்டில், அன்புக்கும், ஆதரவுக்கும் நன்றி. மாநாடு நாளை வெளியாகிறது என பதிவிட்டுள்ளார். இதனால் மாநாடு நாளை வெளியாவது உறுதியாகியிருப்பதன் காரணமாக சிம்பு ரசிகர்கள் உற்சாகமடைந்துள்ளனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்