மாரி செல்வராஜ் இயக்கத்தில் உதயநிதி ஸ்டாலின் , வடிவேலு , ஃபஹத் பாசில் கீர்த்தி சுரேஷ் ஆகியவர்கள் நடித்திருக்கும் மாமன்னன். இசைப்புயல் ஏ.ஆர். ரஹ்மான் இந்தப் படத்திற்கு இசையமைத்திருக்கிறார். தற்போது மாமன்னன் படத்தின் முதல் பாடலான ராசாகண்ணு இன்று வெளியிடப்பட்டிருக்கிறது. நடிகர் வடிவேலு இந்தப் பாடலைப் பாடியுள்ளார்.
வடிவேலு பாடியிருக்கும் இந்தப் பாடல்
மாரி செல்வராஜ் இயக்கியிருக்கும் மாமன்னன் திரைப்படத்தின் படப்பிடிப்பு கிட்டத்தட்ட முடிவடைந்துவிட்டது. இந்த வருடத்தில் அதிகம் எதிர்பார்க்கப்படும் படங்களின் வரிசையில் மாமன்னன் படமும் ஒன்று. மாமன்னன் திரைப்படத்தின் போஸ்டர்கள் சமூக வலைதளத்தில் வெளியாகி ரசிகர்களின் ஆர்வத்தை அதிகரித்துள்ளது. குறிப்பாக இந்தப் படத்தில் வடிவேலுவின் கதாபாத்திரத்தைப் பற்றித் தெரிந்துகொள்ள அனைவரும் மிக ஆர்வமாக காத்திருக்கிறார்கள். வடிவேலு குறித்து மாரி செல்வரஜ் பேசியபோது வடிவேலு நடிப்பில் எப்படியான ஒரு லெஜண்ட் என்பதை மாமன்னன் படத்தில் நாம் பார்த்துத் தெரிந்துகொள்வோம் என்று கூறினார். இதுவரை வடிவேலுவை யாரும் பார்க்காத ஒரு பரிமாணத்தில் காட்ட முயற்சித்திருப்பதாக தெரிவித்தார் மாரி செல்வராஜ்.
அதே நேரத்தில் படத்திற்கு இசையமைத்திருக்கும் ஏ.ஆர்.ரஹ்மான் குறித்து மாரி செல்வராஜ் பேசியபோது ”ரஹ்மான் போன்ற ஒருவர் என்னுடைய அரசியலைப் புரிந்துகொண்டு என்னுடன் பயணிப்பது மிகவும் சந்தோஷமாக இருக்கிறது” எனக் கூறினார் . வடிவேலு ரசிகர்களுக்கு மற்றுமொரு மகிழ்ச்சிகரமானத் தகவல் என்னவென்றால் மாமன்னன் படத்திற்காக ஏ.ஆர். ரஹ்மான் இசையில் பாடல் ஒன்றை பாடியுள்ளார் வடிவேலு. மேலும் மாமன்னன் உதயநிதி ஸ்டாலினின் கடைசிப் படமாக இருக்கும் என்றும் கூறப்பட்டுள்ளது.
விரைவில் மாமன்னன் படத்தின் ரிலீஸ் தேதி அறிவிக்கப்படும் என தெரிவித்துள்ளார் மாரி செல்வராஜ். மாமன்னன் படத்தைத் தொடர்ந்து மாரி செல்வராஜ் இயக்கி வரும் மற்றொரு படம் வாழை. குழந்தைகளை மையமாக வைத்து எடுக்கப்படும் இந்தப் படத்தின் மூலம் தயாரிப்பாளராக அறிமுகமாகிறார் மாரி செல்வராஜ். இயக்குனர் மாரி செல்வராஜின் சொந்தத் தயாரிப்பு நிறுவனமான நவ்வி ஸ்டுடியோஸ் ஹாட்ஸ்டாருடன் இணைந்து இந்தப் படத்தைத் தயாரிக்கிறது.இதனைத் தொடர்ந்து நடிகர் தனுஷுடன் மற்றொரு படத்தை இயக்குகிறார் மாரி. இதனைத் தொடர்ந்து த்ரூவ் விக்ரமுடன் ஒரு படமும் மாரி இயக்க இருக்கும் படங்களின் வரிசையில் காத்திருக்கிறது.