லியோ படத்தில் இயக்குநர் சஞ்சய் தத்தின் கதாபாத்திரம் பற்றிய அப்டேட் வெளியாகியுள்ளது.
மாஸ்டர் படத்துக்குப் பிறகு இயக்குநர் லோகேஷ் கனகராஜ் - நடிகர் விஜய் கைக்கோர்த்துள்ள லியோ திரைப்படத்தின் ஷூட்டிங் சமீபத்தில் தான் நிறைவடைந்தது.
வரும் அக்டோபர் 19ஆம் தேதி லியோ திரைப்படம் ரிலீசாகும் என பட பூஜை அன்றே அறிவிக்கப்பட்டுவிட்ட நிலையில், தற்போது போஸ்ட் ப்ரொடக்ஷன் பணிகளில் படக்குழு தீவிரமாக ஈடுபட்டு வருகிறது.
கிட்டத்தட்ட இன்னும் ரிலீசுக்கு இரண்டரை மாதங்களே உள்ள நிலையில், படக்குழு தொடர் அப்டேட்களை வெளியிட திட்டங்கள் வகுத்துள்ளது.
அதன்படி முன்னதாக விஜய் பிறந்தநாளை முன்னிட்டு ‘நா ரெடி தான்’ பாடலை படக்குழு வெளியிட்டது. இப்பாடலும் பாடல் வரிகளும் கலவையான விமர்சனங்களைப் பெற்றாலும், யூட்யூப் தளத்தில் ஹிட் அடித்தது.
இந்நிலையில் இன்று இப்படத்தின் புதிய அப்டேட்டை படக்குழு பகிர்ந்துள்ளது. அதன்படி இன்று மாலை 4 மணிக்கு ஆண்டனி தாஸ் வருகிறார் என படக்குழு முன்னதாக பகிர்ந்தது. இந்நிலையில் இந்த அறிவிப்பு தற்போது இணையத்தில் வெளியாகியுள்ளது.
நடிகர் சஞ்சய் தத் லியோ படத்தில் விஜய்க்கு அப்பாவாக நடிப்பதாக ஏற்கெனவே தகவல் வெளியாகியுள்ளது குறிப்பிடத்தக்கது.
முன்னதாக வெளியான ‘நா ரெடி’ பாடல் இணையத்தில் நல்ல வரவேற்பைப் பெற்ற நிலையில், இப்பாடலின் வரிகள் இணையத்தில் கவனமீர்த்து பேசுபொருளாகின. மற்றொருபுறம் பிரபல கிரிக்கெட் வீரர் ஷிகர் தவான் வரை பலரும் இன்ஸ்டாவில் ரீல்ஸ் செய்து பகிர்ந்து வந்தனர்.
லியோ படத்தில் கிட்டத்தட்ட 14 ஆண்டுகளுக்குப் பிறகு விஜய்யுடன் த்ரிஷா இணைந்துள்ளது இருவரது ரசிகர்கள் மத்தியிலும் எதிர்பார்ப்பை எகிற வைத்துள்ளது.
இயக்குநர்கள் கவுதம் வாசுதேவ் மேனன், மிஷ்கின், நடிகர்கள் மன்சூர் அலிகான், அர்ஜூன், மன்சூர் அலிகான், சஞ்சய் தத், நடிகை பிரியா ஆனந்த் என பெரும் நட்சத்திரப் பட்டாளமே இப்படத்தில் இணைந்துள்ளது. மனோஜ் பரமஹம்சா இப்படத்துக்கு ஒளிப்பதிவு செய்கிறார். அனிருத் இசை அமைத்துள்ளார். செவன் ஸ்கிரீன் நிறுவனம் இப்படத்தைத் தயாரித்துள்ளது.
மேலும் படிக்க: Super Star Rajini: சூப்பர் ஸ்டார் பட்டம், விஜய் முதல் அஜித் வரை.. எதுக்கு சண்டை, ரஜினி அன்றும் இன்றும் சொன்ன பதில்..!