இரண்டு தேசிய விருதுகள் வென்றதோடு திரையில் தனது நடிப்பால் பல இதயங்களையும் வென்று முப்பது வருடங்களுக்கு மேலாக சினிமா துறையில் இயங்கிவரும் பாலிவுட் நடிகை கொங்கோனா சென் ஷர்மா மிஸ்டர் அண்ட் மிஸ்ஸஸ் ஐயர், பேஜ் 3, லிப்ஸ்டிக் அண்டர் மை புர்கா போன்ற படங்களில் நடிகையாக மாறுபட்ட கோணங்களை வெளிப்படுத்தினார். கடைசியாக அவர் தர்மா புரொடக்ஷன்ஸ் தயாரிப்பில் அஜீப் தஸ்தான்ஸ் என்னும் ஆந்தாலஜி தொடரில் கிலி புச்சி படத்தில் அவர் நடிப்புக்காக பாராட்டப்பட்டார். சீமா பஹ்வாவின் ராம்பிரசாத் கி டெர்வி படத்திலும் அவர் நடிப்பு பேசப்பட்டது.
1983 இல் வெளியான இந்திரா படத்தில் குழந்தை கலைஞராக அறிமுகமான கொங்கோனாவுக்கு இது திரைத்துறையில் 38 ஆவது ஆண்டு. நடிகர், இயக்குநர் எழுத்தாளர் என பன்முகங்களுடன் திரைத்துறையில் வலம் வந்து கொண்டிருக்கிறார். இரண்டு தேசிய விருதுகள் மற்றும் நான்கு பிலிம்பேர் விருதுகள் உட்பட பல மதிப்புமிக்க பட்டங்களையும் பெற்றுள்ளார்.
சமீபத்தில் அவர் தனது இன்ஸ்டாகிராம் பக்கத்தில் பெபிடா என்று பெயர்கொண்ட தனது செல்லப்பிராணி நாய்குட்டியுடன் மிகவும் மகிழ்ச்சியாக இருப்பதுபோல் சில படங்களை பகிர்ந்திருந்தார். அதில் அவர் எழுதியிருந்தது, "இது மித்தாலி போர்ட் அண்ட் ட்ரெயினுக்கான பாராட்டு பதிவு! கடந்த லாக்டவுண் சமயத்தில் நான் இந்த அழகான நாய்குட்டியை தத்தெடுத்தேன், ஆனால் இது என் முதல் நாய், நான் அவளுக்கு சரியாக பயிற்சி அளிக்க முடியவில்லை. எனது பெபிடாவை இங்கு கழிப்பறை பயிற்சி, கட்டு பயிற்சி மற்றும் பொது நம்பிக்கையை வளர்ப்பதற்கான பயிற்சிகளுக்கு அனுப்பியதில் மிக்க மகிழ்ச்சி. மிதாலி சல்வி மற்றும் குழுவினருக்கு மிக்க நன்றி. மேலும், என் பெபிடா எவ்வளவு வெகுளியாக இருக்கிறாள்." என்று.
இந்த பதிவை பலரும் வரவேற்றாலும், கொங்கோனா சென்சார்மாவின் ரசிகர் ஒருவர் வித்தியாசமான கருத்தை தெரிவித்திருந்தார். அவரது வயதைக் கண்டு ஏமாற்றமடைந்த அந்த ரசிகர், அவரது திறமைக்கு திரைத்துறை நியாயம் செய்யவில்லை என்று கூறி அவர் பார்ப்பதற்கு வயதாகி இருப்பதை போல தெரிவதாக கருத்து தெரிவித்திருந்தார். அந்த ரசிகர் கருத்து பின்வருமாறு,
"நீங்கள் வயதாகிவிட்டதைப் பார்க்க மிகவும் வருத்தமாக இருக்கிறது, உங்களை போன்ற கலைஞர்களுக்கு திரைத்துறை நியாயம் செய்யவில்லை, பள்ளி வாழ்க்கையில் நீங்கள்தான் என் கனவு கன்னி, ஏக் தி தாயான் திரைப்படத்திற்கு பிறகு பல திரைப்படங்களில் அதே போல் காண விரும்பினேன்" என்ற பதிவுக்கு பதிலாக, "வருத்தப்பட வேண்டாம், இளம் வயதில் இறப்பதை விட வயதாவது ஒரு பாக்கியம்" என்று பதிவிட்டிருந்தார். அதற்கு கொங்கனாவின் திரைத்துறை நண்பர்கள் சோயா அக்தர், ஷிபாணி தந்தேக்கர், தாரா ஷர்மா போன்றோர் பாராட்டி பதிவிட்டிருந்தார்கள்.