நடிகர் விஜய் எந்த நேரத்தில் இன்ஸ்டாகிராமத்தில் வாடி வாழலாம் என பாடினாரோ தெரியவில்லை! பலருக்கும் தற்போதைய முழு நேர வாழ்விடம் இன்ஸ்டாகிராமாகவே மாறிவிட்டது. சமூக வலைத்தளமான இன்ஸ்டாகிராமில் ஒரு அங்கமாக இருப்பது ‘Reels' . சிலருக்கு அது பொழுது போக்காக இருந்தாலும் பலருக்கு அதுதான் வாழ்க்கையே. அழுகை, சிரிப்பு, கோபம், ஆச்சர்யம் என நவரசங்களை பிழிந்து , நடினங்கள் ஆடி ஒரு மினி சினிமாவையே ஓட்டிவருகின்றனர் பல இன்ஸ்டா வாசிகள் . ஒரு பாடல் ஹிட் என்பதை ரீல்ஸ் வாயிலாக அறிந்துக்கொள்ளலாம். சிலர் தங்களின் பொருளாதார தேவைக்கு இன்ஸ்டாவை பயன்படுத்தி வருகின்றனர். இவர்களுள் ஆப்பிரிக்க கனடியனான zazu வித்தியாசமாக தெரிகிறார். பாடகர், கிட்டாரிஸ்ட்,தொலைக்காட்சி மற்றும் ரேடியோ தொகுப்பாளர், டான்ஸர், மாடல் , இன்ஃப்ளியன்சன் என பன்முக திறமைக்கொண்டவராக இருக்கும் zazu பதிவிடும் பெரும்பாலான பாடல்கள் , வசனங்கள் தமிழ் மொழியை சார்ந்தே இருக்கிறது.
ஆரம்பத்தில் வடிவேலு கதாபாத்திரங்களில் வீடியோக்களை பதிவிட்ட zazu விற்கு உலகமெங்கும் இருக்கும் தமிழ் ரசிகர்கள் அமோக வரவேற்பு கொடுக்கவே, அவர் தொடர்ந்து தமிழ் மொழியிலேயே இயங்க ஆரமித்துவிட்டார். வசனங்களுக்கு ஏற்றமாதிரி zazu வாயசைப்பது, வசனத்திற்கு ஏற்ற மாதிரியாக பாவனைகளை வெளிப்படுத்தை பார்த்தால் , முதன் முதலில் பார்ப்பவர்களுக்கு அவர் தமிழ் மொழி தெரிந்தவரோ என்ற சந்தேகத்தை ஏற்படுத்தவும் வாய்ப்பிருக்கிறது.
ரீல்ஸ் செய்வது மட்டுமல்லாமல் சில தமிழ் பாடல்களை அவர் கற்ற இசையில் பாடியும் , கிட்டார் வாசித்தும் அசத்தியுள்ளார், அந்த வகையில் ரஜினிகாந்த , பா.ரஞ்சித் இயக்கத்தில் வெளியான ‘கபாலி’ படத்தின் ”நெருப்புடா” “ என்ற பாடலை தனக்குறிய பாணியில் பாடி அசத்தியுள்ளார்.
சரி தமிழ் மட்டும்தான் பண்ணுவீங்களா, தெலுங்கு , மலையாளம் உள்ளிட்ட மொழிகளிலும் நடித்து வீடியோ போடுங்களேன் என ரசிகர்கள் அன்பு கோரிக்கை வைக்க, இல்லை , இல்லை எனக்கு தமிழ் மொழிதான் தெரியும் மற்ற மொழிகள் தெரியாது என பதிலளித்துள்ளார்.புதிய பாடல்களை மட்டுமல்லாமல் 80 களின் ஹிட் பாடலுக்கும் நடனமாடி அசத்தியுள்ளார்.
தமிழர்களுக்கு அடையாளமாக பார்க்கப்படும் வேட்டி சட்டையை அணிந்து , சாசு செய்திருக்கும் “காதல் மன்னனா” மற்றும் தனுஷின் “ஊதுங்கடா சங்கு “ , “உள்ளிட்ட பாடல்கள் செம வைரல் .அதே போல கனடா வாழ் தமிழ் பெண்களுடன் “வேட்டியை எடுத்து கட்டிக்கோ , கெத்தாருக்கும் பாத்துக்கோ “ பாடலுக்கு குழு நடமாடி கலக்கியுள்ளார்.
மிகப்பெரிய ரஜினி ஃபேனாக மாறியுள்ள சாசு ,ரஜினியை போலவே வேடமிட்டு , அவரின் புகைப்படம் பதிக்கப்பட்ட டி சர்ட்டைகளை அணிந்து நடிப்பது மட்டுமல்லாமல் , சொந்தமாக தமிழில் பாடல்களை எழுதியும் பாடி வருகிறார். தமிழ் படங்களுக்கு ரிவியூ செய்கிறார்.