அறிமுக இயக்குநர் ஸ்ரீ கார்த்திக் இயக்கத்தில் ட்ரீம் வாரியர் தயாரிப்பில் ஷர்வானந்த், ரித்து வர்மா, மற்றும் அமலா அக்கினேனி நடிக்கும் திரைப்படம் "கணம்". வரும் செப்டம்பர் 9 ஆம் நாள் வெளியாக இருக்கும் இந்த திரைப்படத்தின் புக்கிங் இன்று முதல் தொடங்கியுள்ளது.
படத்தின் ட்ரைலர் சமீபத்தில் வெளியானது. கனத்த இதயத்தை கனக்க வைக்கிறது இந்த "கணம்" படத்தின் ட்ரைலர். 24, இன்று நேற்று நாளை, டிக்கிலோனா போன்ற டைம் ட்ராவல் திரைப்படங்களின் வரிசையில் இணைந்துள்ளது 'கணம்' திரைப்படம்.
தமிழ் மற்றும் தெலுங்கில் வெளியாகும் 'கணம்' திரைப்படம் செப்டம்பர் 9ம் திரையரங்குகளில் வெளியாகும் என அதிகாரபூர்வ தகவல் வெளியாகியுள்ளது. தமிழில் 'கணம்' என்ற தலைப்பிலும் தெலுங்கில்' ஓகே ஒக்க ஜீவித்தம்' என்ற தலைப்பிலும் வெளியாகவுள்ளது.
சுஜித் சாரங் ஒளிப்பதிவில் ஸ்ரீஜித் சாரங் படத்தொகுப்பு பணிகளையும் ஜேக்ஸ் பிஜாய் இப்படத்திற்கும் இசையமைத்துள்ளார். 'எங்கேயும் எப்போதும்' திரைப்படம் மூலம் தமிழில் அறிமுகமான நடிகர் ஷர்வானந்த் ஒரு நீண்ட இடைவேளைக்கு பிறகு மீண்டும் 'கணம்' திரைப்படம் மூலம் தமிழ் சினிமாவில் ரீ என்ட்ரி கொடுத்துள்ளார்.
கணம்' படத்தின் டீஸர் ஏற்கனவே வெளியாகி ரசிகர்கள் மத்தியில் நல்ல வரவேற்பை பெற்றது. அதனை தொடர்ந்து படத்தின் ட்ரைய்லரை இசையமைப்பாளர் அனிருத் ரவிச்சந்தர் வெளியிட்டார்.
ஒரு தாய் - மகன் அன்பு மற்றும் பாசம் அழகாக வெளிப்படுத்தப்பட்டுள்ள இப்படம் ஒரு காலப்பயணத்தை மையமாக வைத்து எடுக்கப்பட்டு உள்ளது. 'மாறிபோச்சோ...' என்ற இப்படத்தின் பாடல் சமீபத்தில் வெளியாகி ரசிகர்களிடம் நல்ல வரவேற்பை பெற்றது.
இந்த பாடலை நடிகர் கார்த்தி பாடியுள்ளார் என்பது குறிப்பிடத்தக்கது.