நடிகர் கமல்ஹாசனின் தீபாவளி தொடர்பான புகைப்படங்கள் சமூக வலைதளங்களில் வைரலாகி வருகிறது.
விகரம் படத்தின் வெற்றியால் இழந்த மார்க்கெட்டை மீண்டும் பிடித்திருக்கும் கமல்ஹாசன் ஷங்கரின் ‘இந்தியன் 2’ படத்தில் இணைந்திருக்கிறார். இந்தப்படத்தின் படப்பிடிப்பு ஒரு பக்கம் சென்றுகொண்டிருக்க, மற்றொருபுறம் விஜய் டிவியில் ஒளிப்பரப்பாகி வரும் ‘பிக்பாஸ் சீசன் 6’ நிகழ்ச்சியையும் தொகுத்து வழங்கி வருகிறார். நேற்றைய தினம் தீபாவளி பண்டிகை கொண்டாடப்பட்ட நிலையில், திரைப்பிரபலங்களும் தீபாவளியை புத்தாடை அணிந்து கொண்டு, பட்டாசுகளை வெடித்து கொண்டாடினர். அந்த வகையில் நடிகர் கமல்ஹாசனும் வேட்டை சட்டை அணிந்து தனது இராண்டாவது மகள் அக்ஷராஹாசனுடன் தீபாவளியை கொண்டாடினார்.
இது தொடர்பான புகைப்படத்தை அக்ஷராஹாசன் தனது இன்ஸ்டாகிராம் பக்கத்தில் பகிர்ந்து இருந்தார். அந்தப்புகைப்படத்தில் பட்டு வேட்டி சட்டையில் கமல்ஹாசன் நாற்காலியில் கம்பீரமாக அமர்ந்து இருக்க,அக்ஷரா கையைக்கட்டிக்கொண்டு பவ்யமாக நின்று கொண்டிருந்தார். இதனை பலரும் கடந்த 1992 ஆம் ஆண்டு சிவாஜி, கமல் நடிப்பில் வெளியான தேவர் மகன் படத்தோடு ஒப்பிட்டு பேசினர். காரணம் அந்தப்படத்தில் இடம் பெற்ற ஒரு காட்சியில் சிவாஜி நாற்காலியில் அமர்ந்து இருக்க, கமல்ஹாசன் ஆக்ரோஷ இளைஞனாக கையைக்கட்டி நிற்பார். இந்த ஒப்பீடை பலரும் தங்களது சமூகவலைதளங்களில் பகிர்ந்து கமல்ஹாசனுக்கும் தீபாவளி வாழ்த்துகளை தெரிவித்தனர். இந்த நிலையில் நடிகர் கமல்ஹாசன் தீபாவளிக்காக பட்டு வேட்டி சட்டையில் எடுத்துக்கொண்ட போட்டோஷூட் தொடர்பான புகைப்படங்கள் சமூகவலைதளங்களில் வைரலாகி வருகிறது.
போட்டோஷூட்டில் இடம் பெற்ற கமல்ஹாசனின் பட்டுவேட்டி சட்டையும், முறுக்கு மீசையும் தங்களுக்கு தேவர் மகனை நியாபகப்படுத்துவதாக ரசிகர்கள் கமெண்டுகளை பதிவிட்டு வருகின்றனர்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்