தொகுப்பாளினியாக இருந்து பின்னர் நடிகையான பூஜா ராமச்சந்திரன் வளைகாப்பு புகைப்படங்கள் சோசியல் மீடியாவில் மிகவும் வைரலாக பரவி வருகிறது.
விஜேவாக தனது பயணத்தை தொடர்ந்த பூஜா ராமசந்திரன் அதன் மூலம் மிகவும் பிரபலமானார். அதற்கு பிறகு அவருக்கு ஏராளமான திரைப்பட வாய்ப்புகள் குவிய ஏராளமான திரைப்படங்களில் நடித்துள்ளார். குறிப்பாக பீட்சா, காதலில் சொதப்புவது எப்படி, காஞ்சனா 2 போன்ற திரைப்படங்களில் முக்கியமான கதாபாத்திரங்களில் நடித்துள்ளார்.
பூஜா ராமச்சந்திரன் 2010ம் ஆண்டு உடன் பணிபுரிந்த பிரபலமான தொகுப்பாளரான க்ரெய்க் என்பவரை காதலித்து திருமணம் செய்துகொண்டார். 7 ஆண்டுகள் நீடித்த இவர்களின் திருமண வாழ்க்கை கருத்து வேறுபாடு காரணமாக 2017-ஆம் ஆண்டு விவாகரத்து பெற்றனர். விவாகரத்துக்கு பிறகு மலையாள நடிகர் ஜான் கொக்கன் என்பவருடன் டேட்டிங் செய்து வந்தார் பூஜா. பின்னர் இருவரும் 2019-ஆம் ஆண்டு திருமணம் செய்து கொண்டனர். இருவருக்குமே அந்த திருமணம் இரண்டாவது திருமணம் என்பதால் மிகவும் எளிமையான முறையில் முக்கியமான உறவினர்கள் மற்றும் நண்பர்கள் மட்டுமே கலந்து கொண்டனர்.
இருவரும் சோசியல் மீடியாவில் மிகவும் ஆக்டிவ் ஜோடிகள். அவ்வப்போது அவர்களின் ஒர்க் அவுட் வீடியோ, போட்டோ ஷூட் என புகைப்படங்களை வெளியிடுவதை வழக்கமாக கொண்டவர்கள். அந்த வகையில் தற்போது பூஜாவின் வளைகாப்பு புகைப்படங்களை சோசியல் மீடியாவில் பகிர்ந்துள்ளார். இந்த புகைப்படங்கள் தற்போது இணையத்தில் மிகவும் வைரலாக பரவி வருகிறது.
ஜான் கொக்கன் ஏராளமான திரைப்படங்களில் நடித்து இருந்தாலும் 'சார்பட்டா பரம்பரை' படத்தின் மூலம் திரை ரசிகர்களின் கவனத்தை ஈர்த்தார். பாராட்டுகளை குவித்த ஜான் கொக்கன் சமீபத்தில் நடிகர் அஜித் நடிப்பில் வெளியான துணிவு நடிக்கும் வாய்ப்பும் கிடைத்தது. மேலும் பல படங்களில் நடித்து வரும் ஜான் கொக்கன் தனது மனைவி பூஜா கர்ப்பமாக இருப்பதை சமீபத்தில் தான் தெரிவித்தனர். அந்த வகையில் பூஜாவின் வளைகாப்பு விழா மிக சிறப்பாக நடைபெற்றுள்ளது. அந்த அழகான தருணத்தின் புகைப்படங்களை தற்போது சோசியல் மீடியாவில் பகிந்துள்ளார் ஜான் கொக்கன். "ட்விங்கிள் ட்விங்கிள் லிட்டில் ஸ்டார், நீ எவ்வளவு க்யூட்டாக இருப்பாய் என்பதை பார்க்க என்னால் காத்திருக்க முடியவில்லை... ஏதாவது யூகம் இருக்கா? பொண்ணா அல்லது பையனா ?" என தனது எதிர்பார்ப்பை அழகாக பதிவிட்டுள்ளார் ஜான் கொக்கன்.