தெலுங்கு திரையுலகில் அதிக அளவிலான ரசிகர்களைக் கொண்ட நடிகர் மகேஷ் பாபு. தமிழில் விஜய் போல தெலுங்கு சினிமாவில் மகேஷ் பாபு. அதுமட்டுமின்றி தமிழில் விஜய் நடிப்பில் சூப்பர் ஹிட் படங்களாக வெற்றி பெற்ற போக்கிரி, கில்லி போன்ற திரைப்படங்கள் தெலுங்கில் மகேஷ் பாபு நடித்த படங்களின் ரீ மேக் படங்கள் என்பது குறிப்பிடத்தக்கது..
மூன்றாவது முறையாக கூட்டணி:
மறைந்த தெலுங்கு நடிகர் கிருஷ்ணாவின் மகனான மகேஷ் பாபுவிற்கு சிறியவர்கள் முதல் பெரியவர்கள் வரை வயது வித்தியாசமின்றி ஏராளமான ரசிகர்கள் உள்ளனர். ஏராளமான வெற்றி படங்களில் நடித்த மகேஷ் பாபு அடுத்தாக கூட்டணி சேரப்போவது மேஜிக்கல் இயக்குநராக கொண்டாடப்படும் திரிவிக்ரம் இயக்கும் திரைப்படத்தில். அத்தாடு, கலேஜா படங்களுக்கு பிறகு மூன்றாவது முறையாக இவர்கள் கூட்டணி சேரும் இப்படத்திற்கு தற்காலிகமா SSMB 28 எனப் பெயரிடப்பட்டுள்ளது. இப்படத்தின் படப்பிடிப்பு ஹைதராபாத்தில் விறுவிறுப்பாக நடைபெற்று வருகிறது.
ஜெயராம் இன்ஸ்டா போஸ்ட் :
அத்தாடு, கலேஜா இரண்டு திரைப்படங்களும் ரசிகர்கள் மத்தியில் நல்ல வரவேற்பை பெற்றுள்ளது என்பதால் மூன்றாவது முறையாக கூட்டணி சேர்ந்துள்ள இப்படத்திற்கு எதிர்பார்ப்பு அதிகரித்துள்ளது. மேலும் இப்படம் குறித்த ஸ்வாரஸ்யமான தகவல் ஒன்று தற்போது வெளியாகியுள்ளது. அதாவது இப்படத்தில் மலையாளத் திரையுலகில் சூப்பர் ஸ்டார் நடிகராகக் கருதப்படும் நடிகர் ஜெயராம் இணைந்துள்ளார். இதை ஜெயராம் தனது இன்ஸ்டாகிராம் போஸ்ட் மூலம் உறுதி செய்துள்ளார்.
ஜெயராம், மகேஷ் பாபுவுடன் இருக்கும் புகைப்படம் ஒன்றை போஸ்ட் செய்து " கிருஷ்ணா சாரின் படங்களை தியேட்டரில் பார்த்து வளர்ந்தவன்! இப்போது இந்த முத்தான நபருடன் இணைவதில் மகிழ்ச்சி. மீண்டும் ஒருமுறை என்னுடைய அபிமான இயக்குனர் திரிவிக்ரமுடன் இணைந்து பணியாற்றுவதில் மகிழ்ச்சி " எனப் பதிவிட்டுள்ளார். இந்த போஸ்ட் சோசியல் மீடியாவில் மிகவும் வைரலாக பகிரப்பட்டு லைக்ஸ்களை குவித்து வருகிறது.
விரைவில் டைட்டில் ரிலீஸ் :
இந்நிலையில், திரிவிக்ரம் நடிகர் மகேஷ் பாபுவை இந்தப் படத்தில் எப்படி காண்பிக்க உள்ளார் என்பதைக் காண மிகுந்த ஆர்வம் காட்டி வருகிறார்கள் ரசிகர்கள். மேலும் இப்படத்தின் டைட்டில் விரைவில் வெளியாகும் எனவும் எதிர்பார்க்கப்படுகிறது. இந்த ஆக்ஷன் கலந்த ஃபேமிலி எண்டர்டெயின்மெண்ட் சப்ஜெக்ட் படத்தில் பூஜா ஹெக்டே மற்றும் ஸ்ரீலீலா ஹீரோயின்களாக நடிக்கிறார்கள்.