Jawan: அட்லீ இயக்கத்தில் வெளியாக உள்ள ஜவான் படத்திற்கு தற்போது யு/ஏ சான்றிதழ் வழங்கப்பட்டுள்ளது.
அட்லீ- ஷாருக்:
பாலிவுட் சூப்பர் ஸ்டாரான ஷாருக்கான் நடித்திருக்கும் படம் ஜவான். தமிழில் விஜய் நடித்த தெறி, மெர்சல், பிகில் படங்களை இயக்கி இருந்த அட்லீ முதன் முதலாக இந்தி திரையுலகில் தடம் பதித்துள்ளார். தனது முதல் படமே ஷாருக்கானை வைத்து எடுத்திருப்பதால் இந்தியா முழுவதும் ஜாவான் படத்திற்கு மிகுந்த எதிர்பார்ப்பு அதிகரித்துள்ளது. அட்லீ போல் முதன் முதலாக பாலிவுட்டில் எண்ட்ரி கொடுக்கும் அனிருத் ஜவான் படத்திற்கு இசை அமைத்துள்ளார்.
ஜவானில் ஷாருக்கானிற்கு ஜோடியாக நயன்தாராவும், வில்லனாக விஜய் சேதிபதியும் நடித்துள்ளனர். இவர்களை தவிர பிரியாமணி, யோகி பாபு உள்ளிட்ட பலர் நடித்துள்ளனர். ஜவான் செப்டம்பர் 7ம் தேதி திரைக்கு வருவதையொட்டி புரோமோஷன் வேலையாக டீசர், மோஷன் போஸ்டர்ஸ், பாடல் உள்ளிட்டவற்றை படக்குழு வெளியிட்டது. முன்னதாக கடந்த மாதம் இறுதியில் வெளியான ஷாருக்கானின் வந்த எடம் பாடல் 14 மில்லியன் பார்வையாளர்களை கடந்து டிரெண்டிங்கில் முதலிடத்தில் உள்ளது.
அடுத்தடுத்து வரும் அப்டேட்கள்:
அனிருத்தின் அதிரடி இசை மற்றும் குரலால், ஷாருக்கானின் நடனம் வந்த எடம் பாடலை தெறிக்கவிட்டது. இதனை அடுத்து, ஆகஸ்ட் 14ஆம் தேதி ஷாருக்கான், நயன்தாராவின் ரொமாண்டிக் பாடலை ஜவான் படக்குழு வெளியிட்டிருந்தது. 'ஹையோடா' என்ற பெயரில் வெளியான பாடலில் அழகில் அள்ளும் நயன்தாரா மற்றும் ஷாருக்கானின் ரொமான்ஸ் காட்சிகள் ரசிகர்களிடையே வரவேற்பை பெற்றது. ஹையோடா பாடலை தமிழில் அனிருத்தும், இந்தியில் அர்ஜித் சிங் பாடியும் பாடியுள்ளனர். பான் இந்தியா ரசிகர்கள் எதிர்நோக்கும் ஜவான் படத்தின் வெளியீட்டுக்கு இன்னும் ஒரு வாரமே உள்ள நிலையில், அடுத்தடுத்து வரும் இப்படத்தின் அப்டேட்கள் ரசிகர்களிடையே பெரும் எதிர்பார்ப்பை கிளிப்பியுள்ளது.
யு/ஏ சான்றிதழ்:
இந்நிலையில், தற்போது இப்படத்தில் புதிய அப்டேட் ஒன்று வெளியாகி இருக்கிறது. அதாவது, செப்டம்பர் 7ம் தேதி திரையரங்குகளில் வெளியாக தயாராகவுள்ள இந்த திரைப்படம் சான்றிதழ் பெறுவதற்காக தணிக்கை குழுவுக்கு அனுப்பப்பட்டது. இதனை தொடர்ந்து தற்போது மத்திய திரைப்பட சான்றிதழ் வாரியம் "ஜவான்" படத்திற்கு யு/ஏ சான்றிதழ் வழங்கியுள்ளதாக தகவல் வெளியாகி இருக்கிறது. ஜவான் திரைப்படத்தின் நீளம் 169 நிமிடங்கள் 14 (2 மணி நேரம் 49 நிமிடங்கள்) நொடிகள் என அந்த சான்றிதழில் குறிப்பிடப்பட்டுள்ளது.
மேலும் படிக்க