இந்தியன் 2
உலகநாயகன் கமல்ஹாசன் நடித்துள்ள இந்தியம் 2 (Indian 2) படம் வரும் ஜூலை மாதம் 12ஆம் தேதி வெளியாக இருக்கிறது. ஷங்கர் இயக்கியிருக்கும் இப்படத்தை லைகா ப்ரொடக்ஷன்ஸ் தயாரித்துள்ளது. அனிருத் இந்தப் படத்திற்கு இசையமைத்துள்ளார். காஜல் அகர்வால், ரகுல் ப்ரீத், பிரியா பவானி சங்கர், எஸ்.ஜே சூர்யா, பாபி சிம்ஹா, சித்தார்த் உள்ளிட்டவர்கள் இப்படத்தில் நடித்துள்ளார்கள். கடந்த மே 1ஆம் தேதி இந்திய 2 படத்தின் இசை வெளியீடு பிரம்மாண்டமாக சென்னையில் நடைபெற்றது.
ரசிகர்களை கவர்ந்த இந்தியன் 2 பாடல்கள்
இந்நிலையில் தற்போது பாரா, கேலண்டர் சாங், நீலோர்ப்பம், ஜகாஜகா, கம் பேக் இந்தியன், கதறல்ஸ் ஆகிய ஆறு பாடல்களைக் கொண்ட ஜூக் பாக்ஸ் கடந்த ஜூன் 1 ஆம் தேதி வெளியாகியது
இந்தியன் முதல் பாகத்தின் பாடல்களுக்கு ஏ ஆர் ரஹ்மான் இசையமைத்தார். இப்பாகத்தில் இடம்பெற்ற அனைத்து பாடல்கள் மற்றும் பின்னணி இசை இன்றுவரை ரசிகர்களால் கொண்டாடப்படுகிறது. தற்போது இந்திய 2 படத்தின் பாடல்களையும் முதல் பாகத்தின் பாடல்களோடு ஒப்பிட்டு ரசிகர்கள் சமூக வலைதளத்தில் மோதி வருகிறார்கள். ரஹ்மானின் இசையோடு ஒப்பிட்டு அனிருத்தின் இசையை பலர் சமூக வலைதளத்தில் மீம்களை பகிர்ந்து வந்தார்கள்
மொத்தம் ஆறு பாடல்களைக் கொண்ட இந்தியன் 2 பட ஆல்பத்தின் பாடல்கள் ஒருபுறம் ரசிகர்களைக் கவர்ந்தும் மறுபுறம் கலவையான விமர்சனங்களைக் குவித்தும் வருகின்றன. குறிப்பாக பாரா, கம் பேக் இந்தியன், மற்றும் கதறல்ஸ் ஆகிய மூன்று பாடல்கள் இன்றைய தலைமுறை ரசிகர்கள் வைப் செய்வதற்கு ஏற்றதுபோல் இருப்பது கூடுதல் சிறப்பு. இப்படியான நிலையில் இந்திய 2 படத்தின் கதறல்ஸ் பாடலின் லிரிக் வீடியோ தற்போது வெளியாகியுள்ளது.