தமிழ் சினிமாவில் முன்னணி நடிகையாக உள்ள நடிகை ஹன்சிகா மோத்வானி தனது நீண்ட நாள் நண்பரும், பிசினஸ் பார்ட்னருமான சோஹைல் கதுரியாவுடன் சேர்ந்து கடந்த சில வருடங்களாக ஒரு ஈவென்ட் மேனேஜ்மென்ட் நிறுவனம் ஒன்றை நடத்தி வருகிறார்.
கடந்த சில மாதங்களாகவே டிசம்பர் 4 ஆம் தேதி இவர்கள் இருவருக்கும் திருமணம் நடக்கப் போவதாக தகவல் வெளியானது. ஆனால் இதனை இருவருமே உறுதிப்படுத்தாத நிலையில் ரசிகர்கள் குழப்பமடைந்தனர்.
இதனையடுத்து கடந்த நவம்பர் 2 ஆம் தேதி ஹன்சிகா, தனது இன்ஸ்டாகிராம் பக்கத்தில் அவரது வருங்கால கணவர் சோஹைல் கதுரியாவுடன் பாரீஸில் ஈபிள் கோபுரம் முன்பு இருக்கும் புகைப்படங்களை பதிவிட்டிருந்தார். அதில் Marry Me என்ற வாசகத்தின் முன்பு ஹன்சிகாவிடம் சோஹைல் கதுரியா ப்ரோபோஸ் செய்யும் புகைப்படங்கள் இடம் பெற்றிருந்தது. இதன்மூலம் திருமண செய்தி உறுதியானதால் ஹன்சிகாவின் ரசிகர்கள் மகிழ்ச்சியடைந்தனர்.
இந்த நிலையில் அவர்களது திருமண நிகழ்வு சூஃபி இசை கச்சேரியுடன் நேற்று தொடங்கியது. இது தொடர்பான வீடியோவை தனது இன்ஸ்டாகிராம் பக்கத்தில் பதிவிட்டு இருந்த சோஹைல் கதுரியா, “ கனவுக்குள் நுழைகிறேன்’ என்று குறிப்பிட்டு அதில் ஹன்சிகாவையும் டேக் செய்திருக்கிறார்.
இந்த நிலையில் ஹல்தி (நலங்கு) நிகழ்வு தொடர்பான புகைப்படங்கள் மற்றும் வீடியோ சமூகவலைதளங்களில் வைரலாகி வருகிறது. டிசம்பர் 4 ஆம் தேதியான இன்று ஜெய்ப்பூரில் உள்ள 450 வருட பழமையான முண்டோடா கோட்டை மற்றும் அரண்மனையில் நடைபெற இருக்கிறது
முன்னதாக, கடந்த நவம்பர் 22 ஆம் தேதி ஹன்சிகா மற்றும் சோஹேலின் திருமணத்திற்கு முந்தைய மத சடங்குகள் (Mata Ki Chowki) கோலாகலமாக தொடங்கின. அதில் சிவப்பு நிற உடையில் மணமக்கள் இருவரும் முகத்தில் மகிழ்ச்சி பொங்க இருக்கும் புகைப்படங்கள் வைரலாகின. தொடர்ந்து கல்யாணத்திற்கு முன்னதாக தனது தோழிகளுக்கு ஹன்சிகா கிரீஸ் நாட்டில் பார்ட்டி வைத்த போட்டோக்களும் வைரலாகியது குறிப்பிடத்தக்கது.