ஹெச். வினோத் இயக்கத்தில் நடிகர் அஜித் மூன்றாவது முறையாக இணைந்துள்ள 'துணிவு' திரைப்படம் பொங்கலுக்கு வெளியாக தயாராக உள்ளது. மிகவும் எதிர்பார்ப்புடன் இருக்கும் அஜித் ரசிகர்களை சந்தோஷத்தில் ஆழ்த்துவதற்காக லேட்டஸ்டாக புதிய போஸ்டர்கள் சோசியல் மீடியாவில் வெளியாகி புயலை கிளப்பி வருகிறது. மேலும் துணிவு திரைப்படம் குறித்து யாரும் அறியாத சில தகவல்களை பகிர்ந்துள்ளார் இயக்குனர் ஹெச். வினோத்.
ஏற்கனவே ஹெச். வினோத் - நடிகர் அஜித் கூட்டணியில் உருவான வலிமை திரைப்படத்திற்கும் ஏராளமான யுகங்கள் கணிக்கப்பட்டன. அதே பிரச்சினை தான் துணிவு திரைப்படத்திற்கும் ஏற்பட்டுள்ளது என கூறியுள்ளார்,
இயக்குனர் ஹெச். வினோத். துணிவு திரைப்படத்திற்காக ஒரு பேங்க் செட் ஒன்று அமைக்கப்பட்டு படமாக்கப்பட்டது. அதனால் இப்படம் ஒரு பேங்க் கொள்ளை திரைப்படம் என வதந்திகள் பரவ ஆரம்பித்துவிட்டன. வங்கி கொள்ளையை மையமாக வைத்து எடுக்கப்பட்ட படம் என்றாலும், இது ஒரு மல்டி ஜனார் திரைப்படம். அதை விடுத்து இதை முதுவதுமாக ஒரே ஜானரில் அடக்கி விட இயலாது.
அஜித் ரோல் குறித்து சஸ்பென்ஸ் :
துணிவு திரைப்படத்தில் அஜித் ஒரு நெகட்டிவ் கதாபாத்திரத்தில் நடித்துள்ளாரா என கேட்கப்பட்ட கேள்விக்கு ஹெச். வினோத் நேரடியாக பதிலளிக்காமல் அது ஒரு மிஸ்ட்ரியாவே இருக்கட்டும். முதல் முறையாக கடலில் சேசிங் சீன் இந்த படத்தில் இடம்பெற்றுள்ளது.
சோசியல் மீடியாவில் வெளியாகும் தகவல்களை வைத்து ரசிகர்களின் எதிர்பார்ப்பு வேறு விதத்தில் அதிகமாகிவிடுகிறது. அதனால் படத்தின் டிரெய்லர் மற்றும் பாடல்களை வைத்தே துணிவு படத்தை எதிர்பார்ப்பது சரியானதாக இருக்கும் என்றுள்ளார் இயக்குனர் ஹெச். வினோத்.
மஞ்சு வாரியர் ரோல் என்ன ?
மேலும் இயக்குனர் கூறிய தகவலின் படி படத்தின் கதாநாயகியான மஞ்சு வாரியர், நடிகர் அஜித் கூட்டத்தில் ஒரு அங்கமாவே நடித்துள்ளார் தவிர அவர் அஜித்தின் ரொமான்டிக் ஜோடியல்ல என்ற தகவலையும் பகிர்ந்துள்ளார். இப்படி அடுத்தடுத்து துணிவு படம் மீது இருக்கும் சஸ்பென்ஸ் அடுக்கி கொண்டே போகிறது.
சில்லா சில்லா :
தற்போது ரசிகர்கள் துணிவு படத்தின் பர்ஸ்ட் சிங்கிள் பாடலான ' சில்லா சில்லா' பாடலுக்காக மிகவும் ஆர்வமாக காத்திருக்கிறார்கள். இப்பாடல் வரும் டிசம்பர் 9ம் தேதி வெளியாகவுள்ளது எனும் தகவல் ஏற்கனவே வெளியானது. மிகவும் அதிரடியான இந்த பெப்பி நம்பர் பாடலை ஜிப்ரான் இசையில் பாடியுள்ளார் ராக் ஸ்டார் அனிருத்.